Әкімдікте рұқсат алуға өтініш әкімдікке онлайн-қызмет арқылы беріледі

Құрылыс және реконструкция (қайта жоспарлау, қайта жабдықтау) жобаларын әзірлеу кезінде бастапқы материалдарды ұсыну

Электрондық өтінішке мыналарды қоса беру қажет:

1. пәтер иелерінің, тұрғын емес үй-жайлардың жалпы санының кемінде үштен екісінің жазбаша келісімінің электрондық көшірмесі;
2. өзгертілетін үй-жайдың техникалық паспортының электрондық көшірмесі ;
3. сауалнама парағының электрондық көшірмесі;
4. жер учаскесіне құқық белгілейтін құжаттың электрондық көшірмесі;
5. техникалық жобаның электрондық көшірмесі;
6. егер жобалаушы техникалық жобада үй-жайларды жоспарланып отырған Қайта құру немесе үй-жайлардың шекараларын ауыстыру іргелес үй-жайлардың меншік иелерінің мүдделерін қозғайтынын көрсеткен жағдайда, үй-жайлар иелерінің нотариат куәландырған жазбаша келісімінің электрондық көшірмесі қосымша қоса беріледі.

Рұқсат 15 жұмыс күні ішінде тегін беріледі.

Нәтижесінде сіз тіреу және қоршау конструкцияларын, инженерлік жүйелер мен жабдықтарды өзгертуге байланысты қолданыстағы ғимараттар мен құрылыстардың үй-жайларын қайта құру үшін бастапқы материалдарды аласыз:

• тіреу және қоршау конструкцияларын, инженерлік жүйелер мен жабдықтарды өзгертуге байланысты қолданыстағы ғимараттар мен құрылыстардың үй-жайларын реконструкциялау  туралы ЖАО шешімі;
• АПЗ;
• техникалық шарттар;
• сыртқы инженерлік желілер трассаларының сызбалары.

 Осы құжаттарды алғаннан кейін сіз жобаны әзірлеуге кірісе аласыз, сараптама қорытындысын ала аласыз, мемлекеттік сәулет-құрылыс бақылауын және қадағалауды жүзеге асыратын органдарды құрылыс-монтаждау жұмыстарын жүргізудің басталуы, құрылыс жұмыстарын жүргізу туралы хабардар ете аласыз.