2023 жылы 13 қаңтарда Қазақстан Республикасының цифрлық даму, инновациялар және аэроғарыш өнеркәсібі министрлігі "Өнімді инновацияларды ынталандыру" жобасын іске асыру шеңберінде "өндірістік сектордың консорциумдары: Индустриялық-Ғылыми технологиялық консорциум" гранттық бағдарламасы бойынша конкурс жариялайды.

2023 жылы 13 қаңтарда Қазақстан Республикасының цифрлық даму, инновациялар және аэроғарыш өнеркәсібі министрлігі

"Өнімді инновацияларды ынталандыру" жобасын іске асыру шеңберінде "өндірістік сектордың консорциумдары:

 Индустриялық-Ғылыми технологиялық консорциум"

гранттық бағдарламасы бойынша конкурс жариялайды.

 

Гранттық бағдарламаның негізгі мақсаты консорциумдардың инновациялық шешімдерін, ғылыми әзірлемелерін және/немесе технологияларын коммерцияландыру.

Қатысушыларға қойылатын талап:

Гранттық бағдарлама аясында бірнеше қатысушылар арасында консорциум құру қажет. Консорциумның міндетті шарттары кемінде екі (2) үлестес емес өндірістік кәсіпорынның және кемінде бір (1) ғылыми ұйымның қатысуы болып табылады.

Гранттың ең жоғары сомасы 650 млн.теңгеге дейін (А типті грант бойынша) және 250 млн. теңгеге дейін (В типті грант бойынша), іске асыру мерзімі 18 айға дейін беріледі.

Бірлесіп қаржыландыру сомасы грант сомасының кемінде 50 пайызын (А типті грант бойынша) және Грант сомасының кемінде 30 пайызын (В типті грант бойынша) құрауға тиіс.

Іріктеу процесі:

Өтінімдерді қабылдау процесін аяқтау қорытындысы бойынша іріктеу халықаралық сарапшылардың, сондай-ақ Қазақстанның индустриялық-инновациялық дамуы жөніндегі мамандардың сараптамасы арқылы бірнеше кезеңдерде өтетін болады.

Күтілетін нәтижелер:

Гранттық бағдарлама аяқталғаннан кейін қаржыландыруды алған консорциумдар алынған Грант сомасының кемінде 20% коммерцияландыру көлемін, кіші жобаны автоматтандыру/цифрландыру стратегиясын енгізуді және әзірлеуді (басқалармен қатар, виртуалды шындық, BIM-технологиялар, Блокчейн, жасанды интеллект), персоналдың біліктілігін арттыруды (Индустрия негіздеріне оқыту 4.0.).

Өтінімдерді қабылдау мерзімі:

Өтінімдерді қабылдау 2023 жылғы 16 қаңтарда басталып, 2023 жылғы 10 наурызда Астана уақыты бойынша сағат 18.00-де аяқталады*.

Гранттық бағдарлама туралы толық ақпаратпен "өндірістік сектордың консорциумдары: Индустриялық-Ғылыми технологиялық консорциум" гранттық бағдарламасы жөніндегі нұсқаулықта 2_2023 КОКП басшылығы сілтемесі бойынша танысуға, сондай-ақ Грант_бағдарлама_кпс_2_2023 презентациясындағы шарттармен танысуға болады .

Маңызды:

Конкурсқа қатысуға өтінімдер келесі сілтеме бойынша Astanahub электрондық порталы арқылы қабылданады: https://astanahub.com/ru/l/gup-grant-programs ағылшын, қазақ және / немесе орыс тілдерінде.

Өтінімді ағылшын тілінде толтыру міндетті, өйткені жобаларды сараптауды халықаралық сарапшылар ағылшын тілінде жүзеге асырады.

Өтініш берушілер мұқият танысып, гранттық бағдарлама бойынша басшылықтың барлық талаптарын сақтауы тиіс.

Барлық талаптарды қатаң сақтау қажет. Қатысу ережелеріне сәйкес келмейтін өтінімдер қабылданбауға жатады және қарау үшін қабылданбайды.

Өтінімді толтыру басталғанға дейін кіші жобалар үшін экологиялық талаптармен, сондай-ақ жоба шеңберінде қаржыландырылмайтын қызметтің тізбесімен мұқият танысқан жөн.Барлық сұрақтар бойынша электрондық пошта арқылы хабарласуға болады consortia@fpip.kz немесе телефондар арқылы+7 777 149 80 36.

* өтінімдерді қабылдау мерзімі Дүниежүзілік банкпен келісім бойынша ұзартылуы мүмкін.