Дүниежүзілік сайлау күніне орай Қаратау технология, білім және бизнес колледжінде Талас аудандық сайлау комиссиясы мен колледждің жастар ісі жөніндегі комитеттің ұйымдастыруымен аудандық мәслихаттың хатшысы қызметін атқарған, қазіргі таңда аудандық ардагерлер кеңесінің төрағасы Асемов Жумабектің жастармен кездесуі өтті.
Шараның мақсаты жастарға сайлау туралы толыққанды ақпарат беру, олардың саяси, заңдық сауатын жетілдіру, жастардың елдегі қоғамдық-саяси процестерге қатысуын арттыру болып табылады. Кездесу барысында А.Жумабек бұл күннің шығу тарихы жайлы айтып, ҚР сайлау заңнамасындағы жаңашылдықтар, мемлекеттің демократиялық негіздерін нығайтудағы сайлаудың рөлі жайында түсіндірме жұмыстарын жүргізді.
Сонымен қатар, кездесуде жастардың танымдық қабілетін арттырып, еркін ойлай алатын жеке тұлға етіп тәрбиелеуге бағыттайтын интеллектуалды ойын ұйымдастырылды. Шара нәтижесінде колледж жастары алғыр, жан-жақты, ұйымшыл екендерін көрсете білді. Жиын соңында барлық белсенді білімгерлерге алғыс хаттар табысталды.