Талас ауданы әкімінің аппараты Мемлекеттік көрсетілген қызметтер бойынша 2023 жылдың 12 айының қысқаша есебі

Талас ауданы әкімінің аппараты Мемлекеттік көрсетілген қызметтер бойынша

2023 жылдың 12 айының қысқаша есебі

 

Мемлекеттік көрсетілетін қызметтер тізіліміне сәйкес Талас ауданының жергілікті атқарушы органдарымен (ары қарай – ЖАО) бекітілген Тізілімге сәйкес 52 мемлекеттік қызмет түрі (кіші түрмен қосқанда 96 мемлекеттік қызмет) көрсетіледі.

Оның ішінде:

• қағаз түрінде – 3 қызмет түрі (3,1 %);
• электронды түрде – 42 қызмет (43,7 %);
• мемлекеттік корпорация арқылы – 51 қызмет (53,1 %).

2023 жылдың 12 айында аудан бойынша жергілікті атқарушы органдарымен барлығы 9 404 мемлекеттік қызметтер көрсетілген. 

Оның ішінде:

• электронды түрде – 8 985 қызмет (95,54 %);
• қағаз түрінде – 2 қызмет (0,02%);
• қағаз түрінде (баламалы) – 417 қызмет (4,43%);

Осы мерзімде ЖАО қызмет берушілері 343 қызметті көрсетуден бас тартты. Аталған бас тартулардың негізгі себептері қызмет алушылардың құжаттар топтамасын толық ұсынбауы немесе дұрыс толтырмауы.

2023 жылдың 12 айында мемлекеттік көрсетілетін қызметтерге
 шағым түспеген.

Мерзімдері бұзылып көрсетілген мемлекеттік қызметтердің жалпы саны – 5.

       Талас ауданының ЖАО-мен мемлекеттік қызметтерді көрсету сапасын арттыру бойынша 2023 жылдың 12 айында 248 түсіндірме іс-шаралар жүргізіп (насихаттау, семинар-кеңестер, БАҚ-та жариялау, бейнероликтер) 19 702 халық қамтылды.

 

 

 

 

 

 

Мемлекеттік көрсетілген қызметтердің сапасына жүргізілген

 ішкі бақылау жұмыстары бойынша

2023 жылдың 12 айының қысқаша есебі

 

Есепті мерзімде Талас ауданының жергілікті атқарушы органдарының ішкі бақылау жұмысына жауапты қызметкерлері бекітілген жоспарға сәйкес, 2023 жылдың 12 айында 7 ішкі бақылау жұмыстарын жүргізілді (жалпы 7 нысан).         Нәтижесінде 5 заңбұзушылықтар анықталды.

Анықталған бұзушылықтардың ішінде мемлекеттік көрсетілетін қызметтер саласындағы заңнаманың өзге де талаптарын бұзудың 5 фактісі анықталды.

Бақылау іс-шарасының қорытындысы бойынша 5 ұсыныс әзірленіп, толығымен орындалды.