Жаңа Су кодексі Қазақстандағы су саласының барлық бағыттарын қамтиды. Оның басты міндеттері – су үнемдеу жөніндегі жалпыұлттық саясатты қалыптастыру және дамыту, елді мекендерде сумен жабдықтау және су бұруды реттеу, балама су көздерін (жаңбыр және еріген қар сулары, тазартылған ағын сулар, тұщытылған тұзды сулар) пайдалану, сондай-ақ су ресурстарын қорғау мен тиімді пайдалану деңгейін арттыру.
Бұл жайлы толығырақ «24 KZ» телеарнасының «Түйін» бағдарламасында ҚР СРИМ Су үнемдеу технологияларын өнеркәсіп саласына енгізу басқармасының бас сарапшысы Марат Нысанбаев айтып берді.