Жергілікті ауқымдағы табиғи сипаттағы төтенше жағдайды жариялау туралы

Жергілікті ауқымдағы табиғи

сипаттағы төтенше жағдайды

жариялау туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 33-бабының 1-тармағының 13) тармақшасына, «Азаматтық қорғау туралы» Қазақстан Республикасының 2014 жылғы 11 сәуіріндегі Заңының     48-бабына және 50-бабының 2-тармағының 2) тармақшасына, «Табиғи және техногендік сипаттағы төтенше жағдайлар сыныптамасын белгілеу туралы» Қазақстан Республикасы Төтенше жағдайлар министрінің 2023 жылғы 10 мамырдағы №240 бұйрығына сәйкес, Күршім ауданының Марқакөл және Төсқайың ауылдық округтерінде қардың көп мөлшерде жауып, елді мекендер арасында жол қатынасының болмауына байланысты, Күршім ауданының әкімі ШЕШТІ:

1. Күршім ауданының Марқакөл және Төсқайың ауылдық округтерінде табиғи сипаттағы төтенше жағдай жариялансын.
2. Төтенше жағдайларды жою комиссиясының басшысы ретінде және осы шешімнен туындайтын тиісті іс-шараларды жүргізу аудан әкімінің орынбасары Қ.Азимбаевқа жүктелсін.
3. Осы шешімнің орындалуына бақылау жасауды өзіме қалдырамын.
4. Осы шешім оның алғаш ресми жарияланған күннен бастап қолданысқа енгізіледі және 2024 жылғы 15 қаңтардан бастап туындаған қатынастарға таратылады.

Күршім ауданының әкімі                                                           А. Ақышов