«Ең үздік медиатор мектебі» республикалық байқауының облыстық кезеңінің қорытындысы

2022 жылғы 13 қазанда «Ең үздік медиатор мектебі» республикалық байқауының облыстық кезеңі қашықтық форматта өтті.

Байқаудың мақсаты - білім ордасында туындайтын даулар мен жанжалдарды шешу,  қалпына келтіруге негізделген медиация бағдарламаларының  мүмкіндіктерін, оқушылар мен оқытушылардың назарына ұсыну; құқық, психология, коммуникативтік технологиялар саласындағы білімді насихаттау.

Байқауға Өскемен қаласының, Алтай, Глубокое, Зайсан, Күршім, Самар, Ұлан, Шемонаиха аудандарының мектепішілік және аудандық/қалалық іріктеу кезеңдерінің 8-11 сынып оқушы - жеңімпаздары қатысты.

Байқауға қатысушылар келесі бағыттар бойынша тапсырмаларды орындады:

- «Жанжал және оны шешу» тақырыбында суреттер конкурсы;

- Мектеп медиациясы қызметтерінің логотиптер конкурсы;

- Мектеп медиация тақырыбындағы бейнефрагменттер конкурсы;

- «Медиатор – келіссөздер шебері» эссе байқауы.

Байқау қорытындысы бойынша жеңімпаз атанғандар:

І орын –Раджанұлы Санжар, Х.Мұстафина атындағы мектеп-лицейі, 11 сынып оқушысы, Зайсан ауданы;

ІІ орын – Казкен Анеля, Асубұлақ орта мектебі, 8 сынып оқушысы, Ұлан ауданы;

ІІІ орын – Миленьких Станислав, Алтай қаласының № 7 орта мектебі, 11 сынып оқушысы, Алтай ауданы;

ІІІ орын - Есболқызы Елдана, Ю.А.Гагарин атындағы №1 күршім орта мектебі, 9 сынып оқушысы, Күршім ауданы.

Раджанұлы Санжардың жұмысы 2022 жылғы 25 қазанда өтетін байқаудың республикалық кезеңінде ұсынылады.

Жеңімпаздар мен жүлдегерлерді құттықтаймыз! Барлық қатысушыларға шығармашылық табыс пен сәттілік тілейміз!