ШҚО ТжКОБ ұйымдары педагогтерінің инновациялық жұмыстары аймақтық байқауының қорытындысы
2022 жылғы 16 қыркүйекте ШҚО техникалық және кәсіптік, орта білімнен кейінгі білім беру ұйымдары педагогтерінің инновациялық жұмыстары аймақтық конкурсының қорытындысы шығарылды.
Байқаудың мақсаты - педагогикалық идеялар, бастамалар мен жобаларды анықтау, ТжКОБ педагогтерінің озық тәжірибелерін жалпылау.
Байқауға қатысу үшін келесі бағыттар бойынша 19 жұмыс ұсынылды: оқу, тәрбие, әдістемелік жұмыстарына арналған өнімдер, электронды білім беру ресурсы, жобалық жұмыс.
Байқауға Абай атындағы Шығыс Қазақстан гуманитарлық колледжі, Құмаш Нұрғалиев атыңдағы Жоғары колледжі, Глубокое техникалық колледжі, Өскемен көпсалалы технология колледжі, Шемонаиха колледжі, Өскемен жоғары политехникалық колледжі, С. Аманжолов атындағы ШҚУ Жоғарғы колледжінің оқытушылары қатысты.
Байқау қорытындысы бойынша педагогтердің үздік инновациялық жұмыстары анықталды.