Дарынды балалармен жұмыс жүргізу

Шығыс Қазақстан облысында оқушылардың зияткерлік және шығармашылық қабілеттерін дамытуға үлкен көңіл бөлініп, дарынды балаларды анықтау және дамыту үшін жағдай жасау бойынша жұмыстар жүргізілуде.

2024-2025 оқу жылында зияткерлік олимпиадалардың, конкурстар мен ғылыми жарыстардың қатысушылары облыстың 149 009 оқушысы болды, олардың 78 351-і жүлдегер атанды.

Шығыс Қазақстан облысының дарынды балалар командасы халықаралық және республикалық деңгейдегі зияткерлік жарыстарда соңғы үш жылда  382 медаль жеңіп алды, оның: 1 бас жүлде,  107 алтын, 120 күміс, 154 қола. Оның ішінде: халықаралық жарыстарда 49 медаль; 332 медаль - республикалық деңгейдегі іс-шараларда.

Өңірдегі оқушылар саны - әр түрлі олимпиадалар, конкурстар мен жарыстарға қатысушылар мен жүлдегерлер

2024-2025 оқу жылындағы республикалық олимпиадалар мен ғылыми жарыстардағы  медальдар саны

Оқу жылы	Республикалық жарыстар			Барлығы
	Алтын	Күміс	Қола
2024-2025	19	31	83	133

 

2024-2025 оқу жылындағы халықаралық олимпиадалар мен ғылыми жарыстардағы медальдар саны

Оқу жылы	Халықаралық жарыстар			Барлығы
	Алтын	Күміс	Қола
2024-2025	1	12	8	21

                     

                     Қазақстан Республикасының олимпиадалық резерв мүшелері

Қазақстан Республикасының математика пәні бойынша олимпиадалық резерв мүшесі Маратұлы Әлинұр – Өскемен қаласындағы Шығыс Қазақстан облыстық дарынды балаларға арналған мамандырылған «БІЛІМ-ИННОВАЦИЯ» лицейінің түлегі, математика, физика және информатика пәндерінен өткен математика, физика және информатика пәндері бойынша XXI Халықаралық Жәутіков олимпиадасының күміс жүлдегері. Сондай-ақ, ол Азия-Тынық мұхиты математикадан халықаралық олимпиадасы және Математикадан халықаралық «Жібек жолы» олимпиадасына, сонымен қатар информатикадан XV Еуразиялық олимпиадасына қатысып, қола медаль иегері атанды.

Қазақстан Республикасының информатика пәні бойынша олимпиадалық резерв мүшесі, Өскемен қаласындағы Шығыс Қазақстан облыстық дарынды балаларға арналған мамандырылған «БІЛІМ-ИННОВАЦИЯ» лицейінің 9-сынып оқушысы Амангелді Алдияр – информатикадан оқушылардың республикалық олимпиадасының жеңімпазы, Әл-Хорезми атындағы математикадан халықаралық олимпиадасының алтын медаль иегері, математика, физика, химия және информатика пәндерінен М.А. Алексеев атындағы XXXII Халықаралық «Туймаада» олимпиадасының күміс жүлдегері және информатикадан XV Еуразиялық олимпиадасының қола медаль иегері.

География пәні бойынша олимпиадалық резерв мүшесі Дарынов Амир – Өскемен қаласындағы Шығыс Қазақстан облыстық дарынды балаларға арналған мамандырылған «БІЛІМ-ИННОВАЦИЯ» лицейінің 10-сынып оқушысы, жалпы білім беретін пәндер бойынша өткен республикалық олимпиаданың алтын медаль иегері.