# Шығыс Қазақстан облысында мал шаруашылығын қолдаудың несиелік бағдарламалары

# Шығыс Қазақстан облысында мал шаруашылығын қолдаудың несиелік бағдарламалары.

Өңіріміздегі мал шаруашылығы секторын дамытуды қалайтын фермерлер мен ауыл шаруашылығы тауарын өндірушілер үшін «Аграрлық несие корпорациясы» АҚ (АНК), әлеуметтік-кәсіпкерлік корпорациясы «Ертіс» ӘКК, несие серіктестіктері (НС) және екінші деңгейдегі банктер (ЕДБ) арқылы жеңілдетілген несие бағдарламалары қолжетімді.

Өңірлік қаржыландыру аясында негізгі бағдарламалар іске қосылды: «Игілік», «Береке», «Жайлау», сондай-ақ айналым қаражатын толықтыруға арналған бағдарламалар.

1. «Игілік» бағдарламасы

Асыл тұқымды ауыл шаруашылығы малын сатып алу.

Қаржыландыру мақсаты: Шетелдік асыл тұқымды ірі қара малды (ІҚМ) және ұсақ малды (ҰҚМ), отандық және шетелдік асыл тұқымды жылқыларды, түйелерді, шошқаларды, маралдарды, сондай-ақ ара ұяларын сатып алу.

Негізгі шарттары:

- пайыздық мөлшерлемесі: жылдық 6%;

- қаржыландыру мерзімі: 7 жылға дейін;

- жеңілдетілген кезең: 30 айға дейін (негізгі қарыз бен сыйақыны төлеу бойынша).

2. «Береке» бағдарламасы

Өндіріс көлемін арттыруды және кеңейтуді жоспарлап отырған ауыл шаруашылығы тауарын өндірушілерді қаржыландыру.

Қаржыландыру мақсаты: Шетелдік асыл тұқымды ірі қара малдың (ІҚМ) және ұсақ малдың (ҰҚМ) ірі партияларын сатып алу.

Негізгі шарттары:

- пайыздық мөлшерлемесі: жылдық 6%;

- қаржыландыру мерзімі: 7 жылға дейін;

- жеңілдетілген кезең: 30 айға дейін.

3. «Жайлау» мал шаруашылығы агробизнесі бағдарламасы

Жаңа репродуктор-фермалар құру үшін негізгі құралдарды және құрылыс-монтаждау жұмыстарын қаржыландыру (300 бастан басталатын ІҚМ / 1 000 бастан басталатын қой).

Сату арналары: ЕДБ, «Ертіс» ӘКК.

Негізгі шарттары:

- пайыздық мөлшерлемесі: жылдық 6% (ЖТСШ — жылдық 6%-дан бастап);

- несие мерзімі: 120 айға дейін (10 жылға дейін);

- жеңілдетілген кезең: 24 айға дейін;

- өз үлесімен қатысу: жоба құнының кемінде 15%-ы.

4. «Айналым қаражатын толықтыру» мал шаруашылығы агробизнесі бағдарламасы

Бордақылау алаңдары мен құс фабрикаларының ағымдағы операциялық қызметін қамтамасыз ету.

Сату арналары: АНК, НС, ЕДБ, «Ертіс» ӘКК.

Жалпы шарттары:

- пайыздық мөлшерлемесі: жылдық 5% (ЖТСШ — жылдық 5%-дан бастап);

- қаржыландыру мерзімі: 12 айға дейін;

- кепілмен қамтамасыз ету: АНК / ЕДБ / ӘКК кепіл саясатына сәйкес.

 

Барлық сұрақтар бойынша «Аграрлық несие корпорациясы» АҚ (АНК) немесе әлеуметтік-кәсіпкерлік корпорациясы «Ертіс» (ӘКК)  АҚ өкілдіктеріне хабарласуыңызға болады.