GOV.KZ – Единая платформа цифровых ресурсов государственных органов (ЕПЦР ГО)

Жуантөбе ауылында елді мекеннің ажарын айшықтап, тұрғындарға қолайлы жағдай қалыптастыруға бағытталған жұмыстар жалғасуда. Әлеуметтік нысандардың қатары толығып, көшелер жөнделіп, қоғамдық орындар жаңарып келеді. Бұл өзгерістер ауыл тұрғындарының күнделікті өмірінен де көрініс табуда.

Осы жұмыстардың барысымен танысып, тұрғындардың ұсыныс-пікірін тыңдау мақсатында аудан әкімі Мұхит Тұрысбеков Жуантөбе ауылдық округіне барып, тұрғындармен кездесті. Еркін форматтағы жиында ауылдың тыныс-тіршілігі, атқарылған жұмыстар және алдағы міндеттер ортаға салынды.

Жүздесу барысында аудан басшысы биыл кең көлемде аталып өткен Жуантөбе ауылының 80 жылдық мерейтойына тоқталып, оны ұйымдастыруға және өткізуге үлес қосқан азаматтарға ризашылығын білдірді. Ауылдың мерейлі датасын атап өту барысында жұрттың бір мақсатқа жұмылып, ұйымшылдық танытқаны айтылды. Тұрғындар да алғыстарын жеткізіп, елді мекенге көрсетіліп отырған қолдаудың нәтижесін атап өтті.

Жуантөбедегі биылғы маңызды жаңалықтың бірі — жаңа спорт кешенінің пайдалануға берілуі. Заманауи нысан ауыл жастарының спортпен айналысуына мүмкіндік беріп, бұқаралық спортты дамытуға серпін беріп отыр. Сонымен бірге Абылай хан көшесіне орташа жөндеу жүргізілді.

Ауылдың қоғамдық кеңістіктерін жаңарту ісіне де ерекше мән берілуде. Демеушілер арқылы орталық саябақта қазақтың үш биі — Төле би, Қазыбек би және Әйтеке биге арналған монумент бой көтерді.

Ел тарихында өшпес із қалдырған азаматтарды ұлықтау мақсатында арнайы құрмет тақтасы да орнатылды. Онда Ұлы Отан соғысының ардагерлері, Батыр аналар, тыл еңбеккерлері және ауылдан шыққан еңбек ардагерлерінің есімдері жазылған. Тақта маңы абаттандырылып, жарықтандырылып, тұрғындардың серуендеп, тынығуына қолайлы орта қалыптастырылды.

Кездесуде тұрғындар өздерін толғандырған мәселелерді көтеріп, ой-пікірлерін ортаға салды. Аудан әкімі әр ұсыныстың назарға алынатынын айтып, елді мекеннің әлеуметтік және инфрақұрылымдық дамуына бағытталған жұмыстар кезең-кезеңімен жалғаса беретінін жеткізді.

Аудан әкімі Мұхит Тұрысбеков Қыземшек кентінің тұрғындарымен кездесіп, кенттің бүгінгі тыныс-тіршілігі, атқарылып жатқан жұмыстар және алдағы даму бағыттары жөнінде кеңінен пікір алмасты.

Кездесу барысында аудан басшысы ауданда жүзеге асырылып жатқан бірқатар жобаларға тоқталып, олардың тұрғындардың өмір сүру сапасын арттырудағы маңызын атап өтті. Сонымен қатар, кенттің әлеуметтік-экономикалық дамуына қатысты мәселелер талқыланып, тұрғындардың ұсыныс-пікірлері тыңдалды.

Жиында Қыземшек кентінің әкімі Марс Әбіл атқарылған жұмыстар бойынша баяндама жасап, алдағы кезеңге жоспарланған міндеттермен бөлісті. Тұрғындар тарапынан бірқатар ұсыныстар айтылып, көтерілген мәселелер бойынша жауапты сала мамандарына тиісті тапсырмалар берілді.

Биыл Қыземшек кентінде 370 метр, Тайқоңыр елді мекенінде 2,8 шақырым жолға тас төсеу жұмыстары жүргізілді. Сондай-ақ, жылу маусымына дайындық аясында инженерлік инфрақұрылымды жаңарту жұмыстары қолға алынды. Атап айтқанда, көшелердегі 3,4 шақырым жылу құбыры, 3,1 шақырым магистральдық құбыр және 1,7 шақырым кәріз құбыры ауыстырылды. Жүргізілген жұмыстар жылу жүйелерінің тұрақты жұмысын қамтамасыз етуге және алдағы жылыту маусымын сапалы өткізуге мүмкіндік береді.

Тайқоңыр елді мекенінде санитарлық-экологиялық жағдайды жақсартуға бағытталған жұмыстар да атқарылуда. Атап айтқанда, мал өлекселерін залалсыздандыруға арналған Беккери шұңқырының құрылысы жүргізілді. Сонымен қатар, «Волковгеология» АҚ-ның «Оңтүстік ВГ» филиалы, «Инкай» БК» ЖШС және «Оңтүстік тау-химиялық компаниясы» БК» ЖШС демеушілігімен аумағы 3 гектарды құрайтын қатты тұрмыстық қалдықтар полигонының қоршау жұмыстары жүргізіліп, қазу жұмыстары аяқталды.

Кездесу соңында аудан әкімі азаматтарды жеке қабылдап, тұрғындардың жеке мәселелері мен ұсыныстарын тыңдады. Көтерілген әрбір мәселенің шешу жолдары жауапты сала мамандарымен бірлесіп қаралып, тиісті жұмыстарды жүргізу жөнінде нақты тапсырмалар берілді.

Аудан әкімі Мұхит Тұрысбеков Қыземшек кентін аралап, көпқабатты тұрғын үйлердің аулаларындағы абаттандыру жұмыстарының барысымен танысты.

Аудан басшысы тұрғын үй аулаларына қойылған қоршауларды көріп, атқарылып жатқан жұмыстардың сапасына назар аударды. Сонымен қатар, тұрғындармен кездесіп, олардың ұсыныс-пікірлерін тыңдады.

Кент тұрғындары елді мекенді көркейту, аулаларды абаттандыру және тазалықты қамтамасыз ету бағытында қолға алынған жұмыстарға ризашылықтарын білдірді.

Мұхит Сексенбайұлы өз кезегінде Қыземшектің тазалығы мен көркеюіне үлес қосып жүрген тұрғындарға алғысын білдіріп, абаттандыру жұмыстарына ел болып атсалысудың маңыздылығын атап өтті.

Аудан әкімі Мұхит Тұрысбеков Қыземшек кентіне жұмыс сапарымен барып, «Шолаққорған-су» мемлекеттік коммуналдық кәсіпорнына қарасты орталықтандырылған жылу қазандықтарының қазіргі жай-күйімен танысты.

Жұмыс сапары барысында жылу қазандықтарының қысқы маусымға дайындығын, отын қорының жеткіліктілігін және жылу желілерінің жағдайын бақылауға алды. Сала мамандары мен жауапты бөлім, мекеме басшыларына жылу маусымын сапалы әрі тұрақты өткізу жөнінде нақты тапсырмалар жүктеді.

Атап айтқанда, мазут отынының қажетті қорын қалыптастыру, оны уақытылы жеткізуді қамтамасыз ету және жылу жүйелерінің үздіксіз жұмысын бақылауда ұстау тапсырылды.

Қазіргі таңда кенттегі жылу инфрақұрылымын жаңғырту бағытында бірқатар жұмыстар атқарылды. Ішкі жылу желілерінің 3,4 шақырым құбыры ауыстырылды. Сонымен қатар, магистральдық жылу желілерінің 3,1 шақырым құбырының жылу оқшаулағышы жаңартылды.

Бұдан бөлек, жылу жүйесінің тұрақты жұмысын қамтамасыз ету мақсатында сорғылар, задвижкалар және вентильдер жаңартылды.

Кенттің коммуналдық инфрақұрылымын жақсарту бағытында кәріз желілеріне де жөндеу жұмыстары жүргізілді. Нәтижесінде 1,7 шақырым кәріз құбыры ауыстырылды.

Жалпы, Қыземшек кентінде 5,1 шақырым жылу желісінде жөндеу жұмыстары жүргізіліп, 1,7 шақырым кәріз желісі жаңартылды.

Аудан әкімі Мұхит Тұрысбеков Тасты ауылдық округінің тұрғындарымен кездесіп, елді мекеннің бүгінгі тыныс-тіршілігі, атқарылған жұмыстар және алдағы даму жоспарларын талқылады.

Кездесу барысында аудан басшысы ауылдағы әлеуметтік-экономикалық ахуалға тоқталып, елді мекенде жаңадан бой көтерген нысандардың маңызы мен олардың тұрғындар үшін тиімділігіне назар аударды. Әсіресе, жаңа нысандардың іске қосылуы арқылы қосымша жұмыс орындарының ашылуы ауыл экономикасының дамуына серпін беретінін атап өтті.

Мұхит Сексенбайұлы аудан көлемінде жүзеге асырылып жатқан ауқымды жобаларға кеңінен тоқталып, әрбір елді мекеннің даму барысы тұрақты назарында екенін жеткізді. Сонымен қатар, алдағы кезеңде де инфрақұрылымды дамыту, халыққа қолайлы жағдай жасау және елді мекендердің көркею бағытындағы жұмыстар жүйелі түрде жалғасатынын айтты.

Айта кетейік, биыл Тасты ауылдық округінде бірқатар маңызды жоба жүзеге асырылды. Атап айтқанда, қатты тұрмыстық қалдықтар полигонының құрылысы аяқталып, нысанның іске қосылуы нәтижесінде жаңа жұмыс орындарын ашу жоспарлануда.

Сонымен қатар, А.Бейсенбаев және А.Иманов көшелеріне орташа жөндеу жұмыстары жүргізілді. Ал Атауы жоқ №4, Жібек жолы, Бейсенбаев-2 және Атауы жоқ №5 көшелерінде ағымдағы жөндеу жұмыстары атқарылды.

Өткен жылы да округте ауқымды инфрақұрылымдық жұмыстар жүзеге асқан. Ауыл әкімдігінің жаңа ғимараты салынып, балалар ойын және воркаут алаңдары орнатылды. Жабық футбол алаңы пайдалануға беріліп, ауыл кіреберісіне бейнебақылау камералары қойылды.

Бұдан бөлек, ауылдың көркін арттыру мақсатында «Мен өз елімді жақсы көремін» монументі мен LED экран орнатылып, Мәдениет үйі жанынан жаңа сквер бой көтерді. Ауыл кіреберісіндегі арка абаттандырылып, елді мекеннің сәулеттік келбеті жақсара түсті.

Кездесу барысында тұрғындар аудан басшысына өздерін толғандырған мәселелерін айтып, ұсыныс-пікірлерін жеткізді. Ашық пікір алмасу форматында өткен жиында тұрғындар округте атқарылып жатқан жұмыстарға оң бағасын беріп, ризашылықтарын білдірді. Ақсақалдар елдің бірлігі мен берекесін тілеп, ақ баталарын берді.

Кездесу соңында аудан әкімі тұрғындарды жеке мәселелері бойынша қабылдап, көтерілген мәселелердің әрқайсысына назар аударды. Тиісті жұмыстарды ұйымдастыру жөнінде округ әкіміне нақты тапсырмалар жүктеді.

Аудан әкімі Мұхит Тұрысбеков Шу ауылдық округінің тұрғындарымен кездесіп, елді мекеннің әлеуметтік-экономикалық дамуы, инфрақұрылымды жаңғырту және алдағы кезеңге жоспарланған жұмыстардың барысын талқылады.

Алдымен округ әкімі Данияр Досымбеков атқарылған жұмыстарды саралап, ауылдың әлеуметтік-экономикалық даму көрсеткіштері, ауыл шаруашылығы, құрылыс және абаттандыру бағыттарындағы негізгі нәтижелерге тоқталды.

Биыл Шу ауылдық округінде елді мекеннің инфрақұрылымын жақсартуға бағытталған бірқатар маңызды жоба жүзеге асырылды.

Атап айтқанда, қатты тұрмыстық қалдықтар полигонының құрылысы аяқталды. Сонымен қатар Иманов, Мұқанов, Сәтбаев, Наурыз, Серікбаев көшелеріне және Әйтеке би–Сәтбаев көшелері аралығына орташа жөндеу жұмыстары жүргізіліп, асфальт төселді.

Нәтижесінде ауылдың ішкі көшелерін асфальтпен қамту көрсеткіші 100 пайызға жетті. Округтегі көше жарықтандыру мәселесі де толық шешімін тауып, ішкі көшелердің барлығы 100 пайыз көше жарықшамдарымен қамтылды.

Ауыл жастарының бос уақытын тиімді ұйымдастырып, салауатты өмір салтын қалыптастыру мақсатында стрит-воркаут алаңының құрылысы жүргізілуде. Нысанды қазан айының соңына дейін аяқтап, пайдалануға берілмек.

Әлеуметтік нысандардың жағдайын жақсарту бағытында да нақты жұмыстар атқарылуда. Демеушілердің қолдауымен «Марал» бөбекжай-бақшасына балалардың денсаулығын нығайтуға арналған тұзды бөлме – галокамера орнатылды. Сондай-ақ ауылды көгалдандыру жұмыстарын тұрақты жүргізу мақсатында ұңғымалы құдық қазылып, суару жүйесі тартылуда. Жүйені қазан айының соңына дейін толық іске қосу көзделген.

Аудан басшысы кездесуде атқарылған жұмыстардың маңыздылығына тоқталып, ауылдың әлеуметтік және инженерлік инфрақұрылымын одан әрі жетілдіру, абаттандыруды жүйелі жалғастыру қажеттігін атап өтті. Сондай-ақ аудан көлемінде жүзеге асырылып жатқан ірі жобаларға тоқталды.

Кездесу барысында тұрғындар ауылда атқарылып жатқан жұмыстарға оң бағасын беріп, аудан басшысына ризашылықтарын білдірді. Сонымен қатар, елді мекеннің одан әрі дамуына қатысты ұсыныс-пікірлерін айтты.

Жиын соңында бірқатар азамат жеке мәселелері бойынша жүгініп, әлеуметтік мәселеге қытысты өтініштерін жеткізді.

Аудан басшысы көтерілген мәселелердің әрқайсысын бақылауға алып, тиісті жұмыстарды сапалы әрі белгіленген мерзімде орындауды жауапты басшыларға тапсырды.

Жиынға ҰҚК Түркістан облысы департаментінің Созақ аудандық бөлімінің басшысы Мейрамбек Мауленов, аудандық құқық қорғау органдарының, қорғаныс істері және төтенше жағдайлар бөлімдерінің басшылары, сондай-ақ жауапты мекеме өкілдері, бөлім басшылары, ауылдық округ және кент әкімдері қатысты.

Отырыстың күн тәртібінде ауданда терроризмнің алдын алу, қоғамдық қауіпсіздікті қамтамасыз ету, террористік тұрғыдан осал нысандардың қауіпсіздігін күшейту және профилактикалық жұмыстарды ұйымдастыру мәселелері қаралды.

Күн тәртібіндегі мәселелер бойынша аудан әкімдігінің ішкі саясат бөлімінің басшысы Ерлан Раймқұлов, Шолаққорған ауылдық округінің әкімі Жеңісәлі Төлепбергенов, Қыземшек кентінің әкімі Марс Әбіл және аудандық терроризмге қарсы комиссияның хатшысы Ұлжан Шекеева баяндама жасап, атқарылған жұмыстар мен алдағы міндеттер туралы ақпарат берді.

Жиында терроризм қатерінің алдын алу бағытындағы жұмыстарды жүйелі түрде жүргізу, халық арасында түсіндіру шараларын күшейту және тиісті нысандардың қауіпсіздік талаптарын сақтау мәселелеріне ерекше назар аударылды.

Аудан әкімі Мұхит Сексенбайұлы жауапты сала басшылары мен елді мекен әкімдеріне қауіпсіздік шараларын тұрақты бақылауда ұстап, профилактикалық жұмыстарды сапалы ұйымдастыруды тапсырды.

Отырыс қорытындысы бойынша қоғамдық қауіпсіздікті қамтамасыз ету және терроризм қатерінің алдын алу бағытында бірқатар нақты міндеттер айқындалды.

Кеш шымылдығы «Сүгір» атындағы қазақ ұлт аспаптар оркестрінің орындауындағы «Ыңғай төк» күйімен түріліп, көрерменге ұлттық өнердің ұлағатын сезіндірді.

Салтанатты шараның ашылуында аудан әкімінің орынбасары Алтын Күнтуқызы сөз сөйлеп, тағылымды кештің маңыздылығына тоқталды. Ол Шәмші Қалдаяқовтың қазақ музыкасының алтын қорына өлшеусіз үлес қосқанын атап өтіп, өнерсүйер қауымға жылы лебізін білдірді.

Сонымен қатар, қазақ өнерінің қара шаңырағына айналған Түркістан облыстық филармониясының шығармашылық ұжымына аудан әкімінің атынан арнайы Алғыс хат табысталды.

Концерт барысында филармонияның кәсіби әншілері Шәмші Қалдаяқовтың халық жүрегінен мәңгілік орын алған таңдаулы әндерін «Сүгір» атындағы қазақ ұлт аспаптар оркестрінің сүйемелдеуімен жанды дауыста орындап, көрерменге ерекше әсер сыйлады.

Шәмшінің сырлы әуені мен сырбаз әндері Созақ төрінде шырқалып, ұлт руханиятының биігінен орын алған шығармалар қайта жаңғырды. Композитор әндері арқылы елге деген сүйіспеншілік, туған жерге деген құрмет, ұлттық рух пен азаматтық сезім көрермен жүрегіне жол тартты.

Семинар барысында қатысушыларға кәсіпкерлік қызметті бастау жолдары, бизнес-жоспар әзірлеу тәртібі, мемлекеттік қолдау шаралары, гранттар мен жеңілдетілген қаржыландыру мүмкіндіктері туралы ақпарат берілді.

Практикалық семинарда орталықтың оқыту бөлімінің басшысы Ержан Кангелдиев болашақ кәсіпкерлерге бизнесті жоспарлау, кәсіпкерлік қабілеттерді дамыту және өз ісін тиімді ұйымдастыру бойынша түсіндірме жұмыстарын жүргізді.

Қатысушыларға арнайы сертификаттар табысталды. Мұндай шаралар тұрғындардың кәсіпкерлік бастамаларын қолдауға, бизнес жүргізу дағдыларын дамытуға және өңірде шағын және орта бизнестің өркендеуіне ықпал етеді.

Аудан орталығындағы Орталық алаңда өткен ауқымды шарада жыл он екі ай тынымсыз еңбек етіп, ел ырысын еселеп жүрген ауыл шаруашылығы еңбеккерлерінің еңбегі ұлықталды.

Мерекелік жәрмеңкеде ауданның ауылдық округтері мен кенттерінен келген агроқұрылымдар өз өнімдерін көпшілік назарына ұсынып, тұрғындарға 52,3 тонна ауыл шаруашылығы өнімін нарықтағы бағадан 20-30 пайызға төмен бағамен сатылымға шығарды. Жәрмеңке барысында тұрғындар үшін табиғи әрі сапалы өнімдерді қолжетімді бағамен сатып алуға мүмкіндік жасалды.

Шара барысында ауыл шаруашылығы саласының жетістіктері кеңінен таныстырылып, асыл тұқымды малдар мен заманауи ауыл шаруашылығы техникаларының көрмесі ұйымдастырылды. Сондай-ақ жыл қорытындысы бойынша жоғары нәтижеге қол жеткізген шаруа қожалықтары, ауылдық округ әкімдіктері мен сала мамандары марапатталды.

Мерекелік жиында аудан әкімі Мұхит Тұрысбеков ауыл шаруашылығы еңбеккерлерін кәсіби мерекесімен құттықтап, ел экономикасы мен ауданның әлеуметтік-экономикалық дамуына елеулі үлес қосып жүрген бірқатар азаматтарға марапаттар табыс етті.

«Еңбек етсең ерінбей, тояды қарның тіленбей» деген халқымыздың қанатты сөзі бар. Ауыл шаруашылығы – маңдай тер мен табандылықты, төзім мен жауапкершілікті талап ететін қасиетті еңбек. Жерге дән сеуіп, одан береке жинау – табиғатпен етене еңбек етіп, ел ырысын еселеу деген сөз. Сондықтан бүгінгі мереке – бір жылдық еңбектің қорытындысын шығарып, туған жердің төсінде маңдай терін төккен азаматтарға құрмет көрсетіп, ақжарма алғысымызды білдіретін ерекше күн. Бүгінгі «Алтын күз» мерекесі әр шаңыраққа молшылық пен береке, әр еңбек адамына абырой мен толағай табыс әкелсін! – деді аудан басшысы.

Мерекелік шара барысында ауыл шаруашылығы саласындағы жоғары көрсеткіштері үшін бірқатар ауылдық округтер арнайы марапаттарға ие болды.

Атап айтқанда, Созақ ауылдық округі (округ әкімі – Батырхан Аяпов) І орынға, Шолаққорған ауылдық округі (округ әкімі – Жеңісәлі Төлепбергенов) ІІ орынға, ал Жартытөбе ауылдық округі (округ әкімі – Данияр Жүсіпов) және Құмкент ауылдық округі (округ әкімі – Ерзат Балықбаев) ІІІ орынды иеленді.

Сонымен қатар, «Әділет» партиясы Созақ аудандық филиалының төрағасы Талғат Сейдахметұлы мен аудандық ардагерлер кеңесінің төрағасы Қабылбек Еспенбетов ауыл еңбеккерлеріне жүрекжарды тілектерін білдіріп, үздіктерді марапаттады.

«Алтын күз – 2026» шарасы мерекелік концертпен қорытындыланды. Кеш барысында қазақ эстрадасының белгілі әншісі Еркін Нұржанов, Ш. Қалдаяқов атындағы Түркістан облыстық филармониясының әншілері мен аудандық «Мыңжылқы» мәдениет үйінің өнерпаздары сахна төрінде өнер көрсетіп, көрерменге әсем әннен шашу шашты.

Айта кетейік, Созақ ауданында ауыл шаруашылығы саласын дамыту бағытында жүйелі жұмыстар атқарылуда. 2026 жылы ауданда жалпы 14 746 гектар алқапқа ауыл шаруашылығы дақылдары егілді. Оның ішінде бидай – 1 012 гектар, арпа – 826 гектар, мақсары – 1 100 гектар, жүгері – 730 гектар, көкөніс – 503,8 гектар, бақша дақылдары – 508,9 гектар, картоп – 508 гектар, жаңа жоңышқа – 2 290,9 гектар және ескі жоңышқа – 7 267 гектарды құрады.

Ауылдағы ағайынның кәсібін дамытуға мүмкіндік беретін «Ауыл аманаты» бағдарламасы аясында да нақты нәтижелер бар.

Биыл ауданда 2 ауыл шаруашылығы өндірістік кооперативі құрылып, оларға жалпы 64 млн теңге көлемінде қаржы бағытталды. Атап айтқанда, Шолаққорған ауылдық округіндегі «Созақ груп» АШӨК-не – 34 млн теңге, Жартытөбе ауылдық округіндегі «Jartytobe broiler» АШӨК-не – 30 млн теңге қаржы қарастырылды.

Сонымен қатар, бағдарлама шеңберінде 9 кәсіпкерге жалпы 84 млн теңге көлемінде несие берілді. Оның ішінде 4 кәсіпкер мал шаруашылығын дамытуға, 4 кәсіпкер өз кәсібін дамытуға, 1 кәсіпкер ауыл шаруашылығы техникасын лизингке алуға қаржы алды.

Саладағы өндірістік әлеуетті арттыру мақсатында техникалық парк те жаңартылуда. 2026 жылдың 9 айының қорытындысы бойынша ауданның агроқұрылымдары жалпы құны 430 млн теңге болатын 29 жаңа ауыл шаруашылығы техникасын сатып алды.

Бұл – шаруалардың еңбек өнімділігін арттырып, ауыл шаруашылығы өндірісін заманауи талаптарға сай дамытуға мүмкіндік беретін маңызды қадам.