GOV.KZ – Единая платформа цифровых ресурсов государственных органов (ЕПЦР ГО)

Меню
Страницы
Документы
Контакты
Деятельность
Аппарат акима
Пресс-центр
Онлайн приемная
Социальные проекты для неправительственных организаций
Все материалы
02 октября 2026
КӨКСУ АУЫЛЫНДАҒЫ МӘДЕНИЕТ ҮЙІ ҚАЙТА ЖАБДЫҚТАУДАН ӨТТІ
Шардара ауданының Көксу ауылындағы мәдениет үйі толық күрделі жөндеуден өтіп, заманауи талаптарға сай жаңғыртылды.
Жоба «Қазақстан халқына» қоғамдық қорының қолдауымен «Мәдени даму алаңы» жобасы аясында жүзеге асырылды. Жоба шеңберінде мәдениет үйі қажетті материалдық-техникалық құрал-жабдықтармен қамтамасыз етіліп, шығармашылықпен айналысуға арналған жаңа кеңістіктер жасақталды.
Жаңартылған мәдениет үйінің жұмысымен танысуға «Қазақстан халқына» қоғамдық қорының төрайымы Ләззат Алтынбекқызы Шыңғысбаева бастаған делегация мүшелері келіп, ауыл тұрғындарымен жүздесті.
Көксу ауылында 8 366 адам тұрады. Мәдениет үйінің қызметін Көксумен қатар Жоласар, Баспанды және Айдарқұл қашары елді мекендерінің тұрғындары да пайдаланады.
1978 жылдан бері жұмыс істеп келе жатқан мәдениет үйінің жалпы алаңы – 8 536,13 шаршы метр. Акт залы 150 орынға арналған. Мекемеде 17 қызметкер еңбек етеді, оның 9-ы – шығармашылық персонал.
Қазіргі таңда мәдениет үйінде 9 бағыт бойынша үйірмелер мен ансамбльдер жұмыс істейді. Оларға 149 адам қамтылған. Сонымен қатар мәдениет үйінің базасында Көксу ауылдық кітапханасы орналасқан. Кітапхана қорында 14 мың дана әдебиет бар, тұрақты оқырмандар саны – 750 адам.
Жобаны әзірлеу барысында ауыл тұрғындарының ұсыныстары ескеріліп, шығармашылық және мәдени қызметтің 5 негізгі бағыты бойынша жаңа кеңістіктер қарастырылды. Жоба аясында жалпы аумағы 1 799,58 шаршы метрді құрайтын 5 шығармашылық кеңістік ашылды.
Жаңа кеңістіктер балалар мен жастардың шығармашылық қабілеттерін дамытуға, үйірмелердің жұмысын кеңейтуге, мәдени іс-шаралардың ауқымын арттыруға және тұрғындардың өнер бағытындағы бастамаларын жүзеге асыруына мүмкіндік береді.
Жаңғыртылған мәдениет үйі пайдалануға берілді. Бүгінде ол Көксу және оған іргелес елді мекендер тұрғындарының мәдени-рухани қажеттіліктерін өтеуге, шығармашылықпен айналысуына және қоғамдық-мәдени бастамаларын дамытуына қолайлы орта қалыптастырып отыр.
Шардара ауданы әкімдігінің баспасөз қызметі
02 октября 2026
ҚҰРМЕТТІ АҒА-БУЫН ӨКІЛДЕРІ, АРДАҚТЫ АТАЛАР МЕН АЯУЛЫ ӘЖЕЛЕР!
Сіздерді 1 қазан – Халықаралық қарттар күнімен шын жүректен құттықтаймын!
Қазақ халқы қашанда үлкенін сыйлап, ақсақалын ардақтап, ақ жаулықты әжесін төрге шығарған. «Қариясы бар ел – қазыналы ел» деген қанатты сөз халқымыздың өмірлік ұстанымын айшықтайды. Себебі сіздер – елдің береке-бірлігін бекемдеп, кейінгі ұрпаққа өнеге көрсетіп келе жатқан ардақты буынсыздар.
Сіздердің саналы ғұмырларыңыз бен қажырлы еңбектеріңіз Шардара ауданының өсіп-өркендеу тарихымен тығыз байланысты. Әр жылдары түрлі салаларда еңбек етіп, ел игілігіне үлес қостыңыздар. Бүгінде кейінгі буын сіздердің өмірлік тәжірибелеріңіз бен ақыл-кеңестеріңізді үлкен құрметпен қабылдайды.
Қарияларымыздың әлеуметтік жағдайын жақсарту, оларға лайықты құрмет көрсету, тұрмыс-тіршілігіне қолдау білдіру – қоғамның ортақ міндеті. Бұл бағыттағы жұмыстар алдағы уақытта да жүйелі түрде жалғасын табады.
Сіздерге зор денсаулық, ұзақ ғұмыр, отбасыларыңызға амандық пен бақ-береке тілеймін. Балаларыңыз бен немерелеріңіздің қызығын көріп, әрдайым ел-жұрттың сый-құрметіне бөленіп жүре беріңіздер!
Құрметті ардагерлер!
Сіздердің ақ баталарыңыз – кейінгі ұрпаққа бағыт-бағдар, өмірлік өнеге. Әр шаңырақта береке мен бірлік орнап, еліміздің келешегі кемел болсын!
Мерейлі мерекелеріңіз құтты болсын!
Құрметпен,
Шардара ауданының әкімі Қарсыбаев Арман Романұлы
02 октября 2026
«КЕЛ, ДОСЫМ, ШАРДАРАҒА!» — ӨНЕРМЕН ӨРНЕКТЕЛГЕН ШЫҒАРМАШЫЛЫҚ КЕШ ӨТТІ
2026 жылғы 29 қыркүйекте Шардара қаласындағы Абай атындағы мәдениет сарайында танымал композитор әрі орындаушы Ахмет Молдағұловтың өнердегі 40 жасқа толуына орай, «Кел, досым, Шардараға!» атты шығармашылық ән кеші өтті.
Мазмұнды мәдени шараның негізгі мақсаты – Ахмет Молдағұловтың қырық жылдық шығармашылық жолын кеңінен насихаттап, оның қазақ музыкасы мен ән өнеріне қосқан үлесін дәріптеу, өнер иесіне деген ел ықыласын білдіру.
Кеш барысында композитордың шығармашылық жолы таныстырылып, әр жылдары дүниеге келген әндері орындалды. Әуезді ән мен сырлы сазға ұласқан концерттік бағдарлама көрерменге көтеріңкі көңіл күй сыйлап, өнерсүйер қауымға әсерлі кеш тарту етті.
Шығармашылық кешке елімізге танымал өнер иелері – Нұрлан Өнербаев, Досымжан Таңатаров, Жұбаныш Жексенұлы, Бауыржан Исаев және басқа да белгілі әншілер мен ақын-жазушылар қатысып, мерейтой иесіне өздерінің шығармашылық сәлемін жолдады.
Сонымен қатар Шардара ауданының өнерпаздары Бақберген Омаров, Эльмира Шонаева және өзге де жергілікті өнерпаздар сахна төрінде өнер көрсетіп, кештің мазмұнын байыта түсті.
Кеш қонақтары Ахмет Молдағұловтың танымал әндерін орындап, ақындар арнау-жырларын оқып, мерейтой иесінің шығармашылығына деген ыстық ықыластары мен ізгі тілектерін жеткізді.
Қырық жыл – шығармашылық жол үшін үлкен белес. Бұл – үздіксіз ізденіс пен еңбектің, өнерге адалдық пен шығармашылық табандылықтың нәтижесі. Осы жылдар ішінде Ахмет Молдағұловтың туындылары тыңдарман жүрегінен орын алып, өнерсүйер қауымның рухани қазынасына айналды.
«Кел, досым, Шардараға!» шығармашылық кеші өнер иесінің мерейтойын атап өтумен ғана шектелмей, Шардараның мәдени өміріндегі мазмұнды шаралардың біріне айналды. Сахна төріндегі ән мен әуен, ақындардың арнауы мен өнерпаздардың орындауы көрерменге ерекше әсер сыйлады.
Шардара төрінде өткен тағылымды кеш – өнерге құрметтің, шығармашылық еңбекті бағалаудың және ұлттық өнерді дәріптеудің жарқын көрінісі болды.
Өнер бар жерде – рух бар. Ән бар жерде – жүрек бар. Жүректен шыққан өнер халықпен бірге жасай береді.
Шардара ауданы әкімдігінің баспасөз қызметі.
02 октября 2026
ҚАРИЯСЫ БАР ЕЛ – ҚАЗЫНАЛЫ ЕЛ
Шардара ауданында 1 қазан – Халықаралық қарттар күніне орай ардагерлер мен қазыналы қарияларға арналған мерекелік іс-шара өтті.
Тағылымды шараға Шардара ауданының әкімі Қарсыбаев Арман Романұлы, аудандық мәслихат төрағасы Муталиев Бұлтбай Лесбекұлы, Шардара аудандық ардагерлер кеңесінің төрағасы Тоқсанбай Бердібеков, сондай-ақ Қазақстан Республикасы Ұлттық қауіпсіздік комитетінің Түркістан облысы бойынша департаменті Шардара аудандық бөлімшесінің бастығы Айткулов Нұрсұлтан Мейіржанұлы қатысты.
Мерекелік шараның алғашқы құттықтау сөзін аудан әкімі Арман Романұлы Қарсыбаев алып, барша ардагерлер мен ақ жаулықты әжелерді, елге еңбегі сіңген аға буын өкілдерін Халықаралық қарттар күнімен құттықтады.
Аудан әкімі өз сөзінде аға буынның елдің өсіп-өркендеуіне қосқан үлесі айрықша екенін атап өтіп, бүгінгі ұрпақ үшін олардың өмір жолы мен өнегесі үлкен тәрбие мектебі екенін жеткізді. Қарияларға зор денсаулық, ұзақ ғұмыр, отбасыларына амандық пен береке тіледі.
Іс-шара барысында аудандық мәслихат төрағасы Бұлтбай Лесбекұлы Муталиев те ақжарма тілегін білдіріп, әрбір ардагердің құрметке лайық екенін атап өтті. Ол аға буынның елдік мүдде жолындағы еңбегі мен кейінгі ұрпаққа қалдырған өнегесі қашанда жоғары бағаланатынын жеткізді.
Өз кезегінде аудандық ардагерлер кеңесінің төрағасы Тоқсанбай Бердібеков сөз алып, «Қариясы бар ел – қазыналы ел» деген халық даналығын тілге тиек етті. Ол үлкенді сыйлау, олардың ақыл-кеңесін тыңдау – халқымыздың ежелден келе жатқан асыл дәстүрі екенін айтып, барша қарияларды мерекемен құттықтады.
– Қария – елдің ақылшысы, отбасының берекесі, кейінгі ұрпаққа бағыт-бағдар беретін алтын діңгек. Сіздердің жүріп өткен жолдарыңыз бен өмірлік тәжірибелеріңіз – кейінгі буын үшін баға жетпес мұра. Әр шаңырақта үлкендеріміздің мерейі үстем болып, дендеріңізге саулық, көңілдеріңізге қуаныш тілейміз, – деді Тоқсанбай Бердібеков.
Мерекелік жиында ардагерлерге деген құрмет көрсетіліп, ізгі тілектер айтылды. Аға буын өкілдеріне аудан көлемінде атқарылып жатқан жұмыстар мен алдағы жоспарлар жөнінде де ой-пікірлер айтылды.
Қариясын қадірлеген елдің ырысы артып, берекесі тасиды. Ұрпақтар сабақтастығын жалғап, жастарға өнеге көрсетіп отырған ардагерлердің еңбегі әрдайым ел назарында.
Барша аудан қарияларына мықты денсаулық, ұзақ ғұмыр, отбасыларына амандық, береке-бірлік тілейміз! Мерейлеріңіз үстем, абыройларыңыз асқақ болсын!
Шардара ауданы әкімдігінің баспасөз қызметі.
02 октября 2026
«ИНВЕСТ КЕРУЕН»: КӘСІПКЕРЛЕРДІҢ ҚҰҚЫҚТАРЫН ҚОРҒАУ МӘСЕЛЕСІ НАЗАРДА
Шардара ауданында кәсіпкерлер, инвесторлар және шаруа қожалықтарының өкілдерімен «Инвест керуен» кездесуі өтті.
Жиынға Шардара ауданы әкімінің орынбасары Жұмасұлтан Бердешов, аудан прокуроры Әлі Алмас Ермекұлы және қала және ауылдық округ әкімдері, мемлекеттік мекемелер мен бөлімдердің басшылары, сондай-ақ ауданның кәсіпкерлері, инвесторлары және шаруа қожалықтарының төрағалары қатысты.
Кездесудің негізгі мақсаты – кәсіпкерлер мен шаруалардың өзекті мәселелері мен ұсыныстарын ашық тыңдау, оларды қолданыстағы заңнама талаптары шеңберінде қарау және шешу жолдарын айқындау.
Кездесу барысында кәсіпкерлер мен шаруа қожалықтарының өкілдері жер қатынастары, инфрақұрылым, кәсіпкерлік қызметті жүргізу, мемлекеттік органдармен өзара іс-қимыл және басқа да мәселелер бойынша сауалдарын жолдады.
Көтерілген әрбір мәселе жауапты сала мамандарының қатысуымен талқыланып, құзырет шегінде нақты түсіндірмелер мен жауаптар берілді. Қажет болған жағдайда мәселелерді одан әрі зерделеу және заңнама талаптарына сәйкес шешу бойынша тиісті тапсырмалар айқындалды.
Аудан прокуроры Алмас Ермекұлы Әлі кәсіпкерлер мен шаруалардың заңды құқықтары мен мүдделерін қорғау, мемлекеттік органдар тарапынан заң талаптарының сақталуын қамтамасыз ету маңызды екенін атап өтті.
Сонымен қатар прокуратура органдарының азаматтар мен кәсіпкерлік субъектілерінің заңды құқықтарын қорғау бағытындағы жұмыстары туралы түсіндіріліп, заңнамада белгіленген тәртіппен туындаған мәселелер бойынша жүгінуге болатыны айтылды.
«Инвест керуен» – кәсіпкерлердің өз мәселесін тікелей жеткізіп, жауапты мемлекеттік органдардан нақты түсініктеме алуға мүмкіндік беретін ашық пікір алаңы.
Кәсіпкерлік субъектілерінің ұсыныстарын тыңдау, проблемалық мәселелерді заң аясында зерделеу және олардың шешілуіне ықпал ету – аудан әкімдігі мен мемлекеттік органдардың бірлескен жұмысының маңызды бағыттарының бірі.
Ашық диалог – өзара түсіністіктің негізі.
Нақты жауап – мәселені шешуге бастайтын қадам.
Шардара ауданы әкімдігінің баспасөз қызметі.
02 октября 2026
ШАРДАРАДА ТҰҚЫМБАҚ ҚҰРЫЛЫП, ЖАСЫЛ ЖЕЛЕК ҚОРЫ ҚАЛЫПТАСУДА.
Түркістан облысының әкімі Көшеров Нұралхан Оралбайұлының елді мекендерді көгалдандыру және аудан аумақтарында тұқымбақтар құру жөніндегі тапсырмасына сәйкес, өткен жылы Шардара қаласында тұқымбақ құрылып, күту баптау жұмыстары жүйелі жұмыстар басталды.
Күз мезгілінде тұқымбақ аумағына қараағаш, шаған, үйеңкі, арша, емен және қарағай ағаштарының тұқымдары себілді.
Бүгінде егілген тұқымдар өніп, жас көшеттер бой көтеруде. Бұл – ауданның жасыл қорын қалыптастыруға және көгалдандыру жұмыстарын жүйелі жүргізуге бағытталған маңызды бастамалардың бірі.
Алдағы уақытта тұқымбақта өсірілген көшеттерді Шардара қаласы мен аудан аумағын абаттандыру және көгалдандыру жұмыстарына пайдалану жоспарлануда.
Тұқымбақтың құрылуы жергілікті климатқа бейімделген сапалы көшеттер қорын қалыптастыруға мүмкіндік береді. Бұл өз кезегінде елді мекендердің жасыл желегін тұрақты түрде толықтырып, көгалдандыру жұмыстарының тиімділігін арттыруға ықпал етеді.
Сонымен қатар, бұл бастама қоршаған ортаның табиғи тепе-теңдігін сақтауға, елді мекендердің сәулеттік көркін арттыруға және тұрғындар үшін қолайлы экологиялық орта қалыптастыруға бағытталған жүйелі жұмыстардың бір бөлігі болып табылады.
«Таза Қазақстан» жалпыұлттық бастамасы аясында қоршаған ортаны қорғау, елді мекендерді абаттандыру және көгалдандыру бағытындағы жұмыстар алдағы уақытта да кезең-кезеңімен жалғасын табады.
Әрбір отырғызылған тал – туған жерге жасалған игі іс, болашақ ұрпаққа қалдырылған табиғи мұра. Сондықтан жас көшеттерді күтіп-баптау, сақтау және көгалдандыру ісіне жауапкершілікпен қарау – баршамызға ортақ міндет.
Шардара – жасыл әрі жайлы мекенге бірге айналсын!
Шардара ауданы әкімдігінің баспасөз қызметі.
02 октября 2026
ШАРДАРА АУДАНЫНЫҢ ӘКІМІ САЛА БАСШЫЛАРЫМЕН АЛДАҒЫ ЖҰМЫСТАРДЫ ТАЛҚЫЛАДЫ.
Шардара ауданының әкімі Қарсыбаев Арман Романұлы аудан әкімінің орынбасары Төребеков Бисенбай Тасболатұлы жетекшілік ететін жұмыспен қамту және әлеуметтік бағдарламалар бөлімінің басшысы Таласов Бақытжан Амангелдіұлын, мәдениет, тілдерді дамыту, дене шынықтыру және спорт бөлімінің басшысы Айдаров Еркебұлан Токтарұлын және ішкі саясат бөлімінің басшысы Абдразахов Ерлан Әжімұханұлын қабылдады.
Қабылдау барысында аталған салалар бойынша ағымдағы жұмыстардың нәтижелері сараланып, алдағы кезеңге арналған міндеттер мен басым бағыттар талқыланды.
Жұмыспен қамту және әлеуметтік бағдарламалар бағыты бойынша халықты жұмыспен қамту, жұмыссыз азаматтарды кәсіби даярлау және қайта даярлау, әлеуметтік көмектің тиімділігін арттыру, аудандық бағдарламалардың орындалуын қамтамасыз ету, жұмыссыздық деңгейін төмендету және тұрғындардың әл-ауқатын арттыру мәселелеріне басымдық берілді.
Мәдениет, тілдерді дамыту, дене шынықтыру және спорт саласында мәдени іс-шаралардың сапасын арттыру, мемлекеттік тіл саясатын жүйелі жүзеге асыру, бұқаралық спортты дамыту, тұрғындарды спорттық және мәдени шараларға кеңінен тарту, сондай-ақ ауданның мәдени-рухани әлеуетін арттыру бағыттары қаралды.
Ішкі саясат саласы бойынша қоғамдық-саяси тұрақтылықты сақтау, азаматтық қоғам институттарымен өзара байланысты нығайту, этносаралық татулық пен бірлікті қамтамасыз ету, мемлекеттік тіл саясатын ілгерілету, діни ахуалға мониторинг жүргізу, ақпараттық кеңістіктегі жұмысты күшейту және тұрғындармен түсіндіру жұмыстарын жүйелеу мәселелері талқыланды.
Кездесу қорытындысымен әр бағыт бойынша атқарылған жұмыстарға талдау жасалып, анықталған мәселелерді шешуге және алдағы міндеттерді сапалы орындауға бағытталған нақты тапсырмалар берілді.
Аудан әкімі тиісті бөлім басшыларына белгіленген міндеттердің орындалуын бақылауда ұстап, халықтың әлеуметтік жағдайын жақсартуға, қоғамдық тұрақтылықты қамтамасыз етуге және ауданның мәдени-рухани дамуын одан әрі ілгерілетуге бағытталған жұмыстарды жүйелі түрде жалғастыруды тапсырды.
Шардара ауданы әкімдігінің баспасөз қызметі.
02 октября 2026
НУРАЛИЕВА АҚМАРАЛ АХМЕТХАНҚЫЗЫ – «НОТАРИАТ САЛАСЫНДАҒЫ АДАЛ ЕҢБЕГІ ҮШІН» МЕДАЛІМЕН МАРАПАТТАЛДЫ.
Түркістан облысы, Шардара ауданында құқық саласының дамуына ұзақ жылдар бойы өзіндік үлесін қосып келе жатқан білікті заң маманы, тәжірибелі жеке нотариус Нуралиева Ақмарал Ахметханқызы 2026 жылы Қазақстан Республикасының Республикалық нотариаттық палатасының «Нотариат саласындағы адал еңбегі үшін» медалімен марапатталды.
Ақмарал Ахметханқызының кәсіби еңбек жолы сот жүйесінен басталып, бірнеше жыл бойы Шардара аудандық сотының сот кеңсесін басқарды. Осы кезеңде ол жоғары жауапкершілігімен, құқықтық сауаттылығымен, ұйымдастырушылық қабілетімен және іс жүргізу мәдениетімен танылды.
2014 жылдан бері нотариат саласында еңбек етіп келе жатқан Ақмарал Ахметханқызы он жылдан астам уақыт ішінде азаматтардың құқықтары мен заңды мүдделерін қорғауға, заң талаптарының сақталуына және нотариаттық қызметтің сапалы жүзеге асуына өз үлесін қосып келеді.
Оның кәсіби жолының басты ерекшелігі – сот жүйесінде жинақтаған мол тәжірибесі мен нотариат саласындағы көпжылдық еңбегінің сабақтастығы. Заң үстемдігін берік ұстанып, кәсіби әдеп пен жауапкершілікті жоғары қоятын білікті маман ретінде Шардара өңіріндегі құқықтық мәдениетті қалыптастыруға лайықты үлес қосып келеді.
Ақмарал Ахметханқызының көпжылдық адал еңбегі, кәсіби білімі мен азаматтардың сенімін ақтаған жауапты қызметі жоғары бағаланып, аталған медальмен марапатталды.
Марапатты Қазақстан Республикасының Республикалық нотариаттық палатасының төрағасы Олег Игоревич Полумордвинов табыстады.
Бұл марапат – құқық пен заңдылық қағидаттарына адалдығын еңбегімен дәлелдеп келе жатқан тәжірибелі маманның кәсіби қызметіне берілген лайықты баға.
Ақмарал Ахметханқызын мерейлі марапатымен құттықтай отырып, зор денсаулық, отбасына амандық, кәсіби қызметіне толағай табыс тілейміз!
Шардара ауданы әкімдігінің баспасөз қызметі.
25 сентября 2026
25 ҚЫРКҮЙЕК – ЖАЛПЫҰЛТТЫҚ АЗА ТҰТУ КҮНІ
Қазақстан Республикасы Президентінің тиісті өкіміне сәйкес, Маңғыстау облысында қызметтік міндеттерін атқару кезінде қаза болған әскери қызметшілерге байланысты 2026 жылғы 25 қыркүйек Қазақстан Республикасында жалпыұлттық аза тұту күні болып жарияланды.
Шардара ауданының әкімдігі қаза болған әскери қызметшілердің отбасы мен жақындарына қайғырып көңіл айтады.
Елге қызмет ету жолында қаза болған азаматтардың ерлігі мен есімі ел жадында мәңгі сақталады.
Шардара ауданы әкімдігінің баспасөз қызметі.
25 сентября 2026
Мемлекеттік көрсетілетін қызметтердің сапасын арттыру мақсатында Шардара аудандық тұрғын үй-коммуналдық шаруашылық жолаушылар көлігі және автомобиль жолдары бөліміншн қоғамдық бақылау жұмыстары жүргізілді.

Нәтижесінде мүгедектерге арналған шақыру батырмасы және мүгедектерге арналған автотұрақжай жоқ екендігі анықталып, аталған кемшіліктерді жою бойынша тиісті жұмыстар жүргізу керек екендігі ескертілді.

Алдағы уақытта да мемлекеттік қызмет көрсетуші мекемелерге тұрақты түрде қоғамдық бақылау шаралары жүргізілетін болады

Социальные сети
Страница акимата Шардаринского района
Страница акимата Шардаринского района
Меню подвал
Послания Президента РК
Сайт Президента РК
Сайт Премьер-Министра РК
Концепция цифровой трансформации
Жизненные ситуации
Государственные символы РК
Термины и обозначения
Служба центральных коммуникаций при Президенте РК
Экранный диктор
Концепция развития искусственного интеллекта на 2024 – 2029 годы