1 қазан – Халықаралық қарттар күнін атап өту жөніндегі аудандық апталық жоспарға сәйкес, «Жастық шаққа саяхат» тақырыбында ардагерлерге ностальгиялық мәдени кеш ұйымдастырылды.
Аталған іс-шараның басты мақсаты – қарттардың жастық шағындағы жылы естеліктерін жаңғыртып, мерекелік көңіл күй сыйлау.
Мерекелік кештің шырайын кіргізген ерекше тұстарының бірі – арнайы жасақталған ретро-фотозона болды. Онда келушілердің назарына өткен ғасырдың көз қуантарлық жәдігерлері: ескі радиоқабылдағыштар, граммофон пластинкалары, өткен кезеңнің газет-журналдары, сол заманғы киім үлгілері мен тұрмыстық бұйымдар қойылды. Мұны көрген ардагерлер жастық шақтарына ойша саяхат жасап, жүректеріндегі ең ыстық естеліктерімен бөлісті.
Ардагерлер қауымы көрсетілген шынайы ілтипат пен ыстық ықылас үшін ұйымдастырушыларға өз алғыстарын білдіріп, баталарын берді. Мұндай игі іс-шаралар ауданымызда алдағы уақытта да өз жалғасын табатын болады.
Бүгін Отырар ауданының әкімі Қайрат Жолдыбайұлның халықпен кездесуі Отырар ауыл округінен басталды. Кездесуде ағымдағы жылдың тиісті кезеңінде аудан көлемінде атқарылған жұмыстар мен алдағы жоспарлар туралы баяндады.
Аудан басшысы өңірдің әлеуметтік-экономикалық даму көрсеткіштеріне тоқталып, инфрақұрылым, ауыл шаруашылығы, инвестиция тарту, жол жөндеу, абаттандыру және тұрғындардың өмір сүру сапасын арттыру бағытындағы жұмыстар жүйелі түрде жалғасып жатқанын атап өтті.
Кездесу барысында аудан әкімі «Ауыл аманаты» бағдарламасы аясында ауыл округінде «Рахат-1988» ауыл шаруашылығы өндірістік кооперативі құрылып, 52 отбасыны төмен пайызды несиемен қамту жоспарланып отырғанын атап өтті.
Жиын барысында тұрғындар тарапынан жол, көше жарығы, ағын су, электр жүйелері және әлеуметтік мәселелерге қатысты ұсыныстар мен сауалдар қойылып, аудан басшысы олардың кезең-кезеңімен шешімін табатынын жеткізді.
Кездесуден кейін аудан әкімі 80 жастағы көпбалалы ана Сәлима Сариеваның үйіне барып, Қарттар күні мерекесімен құттықтады. Ұл-қыздарынан өрбіген бірнеше немере-шөберелерінің ақылшысына айналған ардақты ананың иығына кестелі орамал жауып, құрмет көрсетті. Балалық шағы қиын-қыстау кезеңдермен тұспа-тұс келген қарт ана өнегелі әңгімесін айтып, көрсетілген құрметке ризашылығын білдіріп, ақ батасын берді.
Отырар ауданының әкімі Қайрат Жолдыбайұлы Талапты ауыл округінің тұрғындарымен кездесіп, ауданның тиісті кезеңіндегі әлеуметтік-экономикалық даму көрсеткіштері мен алдағы жоспарлары туралы баяндады.
Кездесу барысында аудан басшысы округтің әлеуметтік-экономикалық даму көрсеткіштеріне тоқталып, инфрақұрылым, ауыл шаруашылығы, кәсіпкерлік, білім, денсаулық сақтау және абаттандыру салаларында жүзеге асқан жұмыстарды атап өтті.
Ағымдағы жылы Көкмардан ауылындағы М.Қабылов көшесіне аяқ жол салу, Сарыкөл ауылына спорт алаңшасын орнату, А.Дәрібаев және С.Айнабеков көшелерін жарықтандыру, Ынталы ауылындағы көшелерге тас жол төсеу, сондай-ақ Астана және Ж.Тастанбек көшелеріне асфальт жол салу секілді жұмыстар жоспарланып, тиісті жұмыстар кезең-кезеңімен іске асуда.
Жиын барысында тұрғындар тарапынан ауылішілік жолдар, жарықтандыру, инфрақұрылым және әлеуметтік мәселелер бойынша ұсыныс-пікірлер айтылып, аудан әкімі көтерілген мәселелер кезең-кезеңімен шешімін табатынын жеткізді.
Кездесуден кейін аудан әкімі жасы 85-тен асқан тыл ардагері, Отырар ауданының құрметті азаматы Нұрмахан Тасболаттың үйіне барып, Қарттар күні мерекесімен құттықтады. Басынан өткен қиындықтарға мойымай ел ертеңі үшін еселі еңбек еткен ардагердің иығына зерлі шапан жауып, құрмет көрсетті. Бүгінде немере-шөберенің қызығын көріп отырған қария көрсетілген құрметке ризашылығын білдіріп, ақ батасын берді.
Отырар ауданының әкімі Қайрат Жолдыбайұлы Қоғам ауыл округінің тұрғындарымен кездесіп, ағымдағы жылы атқарылған жұмыстар мен алдағы жоспарлар жөнінде баяндады.
Кездесу барысында аудан басшысы ауыл округіндегі әлеуметтік-экономикалық даму көрсеткіштеріне тоқталып, инфрақұрылым, кәсіпкерлік, ауыл шаруашылығы және абаттандыру салаларында жүзеге асқан жұмыстарды атап өтті.
Ағымдағы жылы Қоғам ауылындағы Қ.Нарымбетов көшесі мен Мыңшұңқыр ауылындағы Көктөбе көшесіне асфальт төсеу, балалар ойын алаңшаларын салу, Талапты ауылындағы Атамекен көшесін жарықтандыру және Шәуілдір–Қоғам бағытындағы көше жарықтарын орнату жұмыстары жоспарланып, тиісті жұмыстар кезең-кезеңімен іске асуда.
Жиын барысында тұрғындар тарапынан инфрақұрылым, көше жарығы, ауыл шаруашылығы және әлеуметтік мәселелер бойынша ұсыныс-пікірлер айтылып, аудан әкімі көтерілген мәселелер кезең-кезеңімен шешімін табатынын жеткізді.
Кездесуден кейін аудан әкімі жасы 90-ға таяған зейнеткер Айша Арыстанбаеваның үйіне барып, Қарттар күні мерекесімен құттықтады. Батыр ананың иығына кестелі орамал жауып, құрмет көрсетті. Балалық шағы ел тарихындағы қиын-қыстау кезеңдермен тұспа-тұс келген қарт ана келер ұрпақ бейбіт күннің қадірін түсініп, елдің дамуына аянбай қызмет ету керектігін айтты. Көрсетілген құрметке ризашылығын білдіріп, ақ батасын берді.
Отырар ауданының әкімі Қайрат Жолдыбайұлының халықпен кездесуі Қарғалы ауыл округінде жалғасын тауып, ағымдағы жылы атқарылған жұмыстар мен алдағы жоспарлар жөнінде баяндады.
Кездесу барысында ауыл округінің әлеуметтік-экономикалық дамуы, инфрақұрылым, ауыл шаруашылығы, білім, денсаулық сақтау және абаттандыру салаларында жүзеге асқан жұмыстарға тоқталды.
Ауыл шаруашылығы саласында 4780 гектар жерге егіс егілді. Сонымен қатар, Д.Алтынбеков каналының 10,7 шақырымын бетонмен қаптау жұмыстары басталып, бұл жоба аяқталған жағдайда ауылдағы ағын су мәселесін шешуге мүмкіндік беретіні айтылды.
Мал шаруашылығында да өсім байқалып, «Ауыл аманаты» бағдарламасы арқылы 11 отбасы жеңілдетілген несие алып, ауылға 116 бас ірі қара әкелінген.
Инфрақұрылым бағытында «Ауыл – Ел бесігі» бағдарламасы аясында бірқатар көшелерге асфальт төселіп, жарықтандыру жұмыстары жүргізілді. Сонымен қатар, Кеңес Одағының Батыры Т.Ибрагимовтің туған жері Отырар ауылынан жаңа саябақ салынып, батырдың бюсті орнатылды. Былтыр жаңа әкімшілік ғимараты пайдалануға берілсе, Қарғалы ауылында тұрғындардың сұранысына сәйкес «Актив» байланыс стансасы іске қосылды.
Кездесуде аудан әкімі алдағы уақытта ауылдың инфрақұрылымын жақсарту, көгалдандыру жұмыстарын жалғастыру, ауыл шаруашылығы саласын дамыту және тұрғындардың өмір сүру сапасын арттыру бағытындағы жұмыстар кезең-кезеңімен жүзеге асатынын жеткізді.
Жиын барысында тұрғындар тарапынан ұсыныс-пікірлер айтылып, аудан басшысы көтерілген мәселелер назарға алынып, заң аясында шешілетінін атап өтті.
Кездесуден кейін аудан әкімі жасы 90-нан асқан зейнеткер Алтын Исаеваның үйіне барып, Қарттар күні мерекесімен құттықтады. Батыр ананың иығына кестелі орамал жауып, құрмет көрсетті. Еңбекке ерте араласып жас ұрпаққа саналы тәрбие беруде өнегелі өмір жолын үлі еткен қарт ана көрсетілген құрметке ризашылығын білдіріп, ақ батасын берді.
Отырар ауданының әкімі Қайрат Жолдыбайұлы Шәуілдір ауыл округінің тұрғындарымен кездесіп, ауданның тиісті кезеңіндегі әлеуметтік-экономикалық даму көрсеткіштері мен алдағы жоспарлары туралы баяндады.
Кездесу барысында аудан басшысы ауыл округінде инфрақұрылымды дамыту, әлеуметтік қолдау, абаттандыру және кәсіпкерлік салаларында ауқымды жұмыстар атқарылғанын атап өтті. 2026 жылға жоспарланған жұмыстар қатарында бірнеше көшеге күрделі жөндеу жүргізу, жаңа жарықтандыру желілерін орнату, балалар ойын алаңшаларын салу және ішкі көшелерге тас төсеу жобалары енгізіліп, тиісті жұмыстар кезең-кезеңімен іске асуда.
Атап айтқанда, Жаңа мөлтек аудандағы жолы жоқ 4 көшеге, Қ.Төлбасиев көшесінің бұрылысына және Т.Қысмұратов көшесінің бұрылысына тас төсеу, Ж.Есбалаев, Н.Төреқұлов және Р.Биімбетов көшелерін жарықтандыру жұмыстары атқарылған. Сондай-ақ, ардагерлер саябағының тозығы жеткен электр жүйелері мен жарық беру құралдары жөнделіп, селкілдек көпірі маңындағы балалар ойын алаңшасына тұрғындардың қауіпсіздігін қамтамасыз ету мақсатында бейнебақылау камералары орнатылған.
Жібек Жолы даңғылы бойында орналасқан №10-22 және Д. Алтынбеков көшесі бойындағы №13-15 көпқабатты тұрғын үйлердің аулаларында орналасқан футбол алаңдары толықтай қайта жөндеуден өткізілген.
Кездесуде тұрғындар тарапынан көтерілген мәселелер мен ұсыныстар тыңдалып, санитарлық тазалықты қамтамасыз ету, БАҚ беттеріндегі жарияланымдарды бақылау, ауыз су секілді мәселелер бойынша тиісті сала басшыларына нақты тапсырмалар берілді.
Аудан әкімі ветеринария саласының ардагері Әсіл Шірдебаевтің үйіне барып, Қарттар күні мерекесімен құттықтады. Ұзақ жылдар бойы ветеринария саласында еңбек етіп, ауыл шаруашылығы саласының дамуына еселі үлес қосқан ардагердің иығына зерлі шапан жауып, құрмет көрсетті. Жасы 85-ке таяған Әсіл қария көрсетілген құрметке ризашылығын білдіріп, ақ батасын берді.
Отырар ауданында 1 қазан – Халықаралық қарттар күніне орай мерекелік шара өтті.
Мерекелік шараға аудан әкімі Қайрат Жолдыбайұлы мен аудандық мәслихат төрағасы Уәлихан Ұзақов қатысып, ақ жаулықты әжелер мен ардақты ақсақалдарды мерекемен құттықтап, зор денсаулық, ұзақ ғұмыр, отбасыларына амандық пен береке тіледі.
Шара барысында ауданның қазыналы қарттарына құрмет көрсетіліп, олардың ел дамуына қосқан еңбегі мен өмірлік тәжірибесінің кейінгі ұрпақ үшін маңызы атап өтілді. Бір топ ардагерлеге аудан әкімі мен аудандық мәслихат төрағасының алғыс хаттары табысталып, сый-сыйапат жасалды.
Жиында ауданның әлеуметтік-экономикалық дамуына сүбелі үлес қосқан ардагерлер Мырзахмет Темірбеков, Шайырбек Айжарықов, Тәліп Асанов, Көлбай Жалғасбай, Нұрқұл Ердемқұл, Таңат Әбікей, Төрехан Амантай және ардақты аналар Қалдан Байжұман, Маржан Танашевалар мерекелік лебіздерін білдіріп, көрсетілген құрметке ризашылықтарын жеткізді.
Мерекелік кештің көркін аудан өнерпаздарының арнайы әзірлеген концерттік бағдарламасы қыздырды. Жас өнерпаздар әннен шашу шашып, көрермендерге көтеріңкі көңіл-күй сыйлады.
Қарттарымыз – елдің берекесі мен бірлігінің ұйытқысы, ұрпаққа ақыл-өнеге беріп келе жатқан ардақты жандар.
2026 жылдың 1 қаңтарынан бастап жаңа салық кодексіне сәйкес акциздік салаға бірқатар өзгерістер енгізілді. Бұл туралы брифингте Түркістан облысы бойынша Мемелекеттік кірістер департаментінің басқарма басшысының міндетін атқарушы Жанат Байғұт мәлімдеді.
«Биылдан бастап акцизделетін тауарлардың тізімі толықты. Олардың қатарына энергетикалық сусындар, сондай-ақ құны 18 мың айлық есептік көрсеткіштен (АЕК) асатын жеңіл автомобильдер мен бағасы 24 мың АЕК-тен жоғары кемелер және әуе кемелері енгізілді. Сонымен қатар, алкоголь және темекі өнімдеріне салынатын акциз мөлшерлемелері жаңартылды. 2026 жылы энергетикалық сусындарға литріне 100 теңге акциз белгіленді. Бұл мөлшерлеме 2027 жылы – 140 теңге, 2028 жылы – 180 теңге, 2029 жылы – 200 теңге, ал 2030 жылдан бастап 240 теңге болады. Сыраға акциз мөлшерлемесі литріне 99 теңге, шарапқа – 38 теңге, ал сигареттер мен сигариллаларға 1000 данаға 18 051 теңге болып белгіленген. Сыра және сыра сусындарының айналымына қойылатын талаптар да күшейтілді. 2027 жылдың 1 қаңтарынан бастап банкілердегі сыра мен сыра сусындарын таңбалау және олардың толық қадағалануы жолға қойылады. Өнімдерді таңбалау "Data Matrix" коды арқылы жүзеге асырылады. Сыраны бөлшек саудада өткізетін кәсіпкерлер Тауарларды таңбалау және қадағалау ақпараттық жүйесінде тіркеліп, кассалық жабдықтарын бейімдеуі және 2D-сканер немесе таңбалаумен жұмыс істейтін веб-касса қолдануы қажет. Өнімді сату кезінде оның "Data Matrix" коды сканерленіп, тауар жүйеде айналымнан шығарылады. Тексерулер барысында акциздік маркасы жоқ және таңбаланбаған контрафактілік өнімдер анықталып, тәркіленуде, ал заң талаптарын бұзған тұлғалар жауапкершілікке тартылуда. Бұл шаралар заңсыз тауар айналымын шектеуге, адал кәсіпкерлікті қорғауға, бюджет кірістерін арттыруға және тұтынушылардың қауіпсіздігін қамтамасыз етуге бағытталған» - деді спикер.
Түркістан облысының Өңірлік коммуникациялар қызметі
————
В ТУРКЕСТАНСКОЙ ОБЛАСТИ УСИЛЕН КОНТРОЛЬ ЗА ПОДАКЦИЗНОЙ ПРОДУКЦИЕЙ
С 1 января 2026 года в соответствии с новым Налоговым кодексом в сфере акцизов введен ряд изменений. Об этом на брифинге сообщил исполняющий обязанности руководителя управления Департамента государственных доходов по Туркестанской области Жанат Байгут.
«С этого года расширен перечень подакцизных товаров. В него вошли энергетические напитки, а также легковые автомобили стоимостью свыше 18 тысяч месячных расчетных показателей (МРП), суда и воздушные суда стоимостью более 24 тысяч МРП. Кроме того, обновлены ставки акцизов на алкогольную и табачную продукцию.
В 2026 году ставка акциза на энергетические напитки установлена в размере 100 тенге за литр. В 2027 году она составит 140 тенге, в 2028 году – 180 тенге, в 2029 году – 200 тенге, а с 2030 года – 240 тенге. Ставка акциза на пиво составляет 99 тенге за литр, на вино – 38 тенге, а на сигареты и сигариллы – 18 051 тенге за 1000 штук.
Ужесточены и требования к обороту пива и пивных напитков. С 1 января 2027 года будет введена маркировка пива и пивных напитков в банках, а также обеспечена их полная прослеживаемость. Маркировка продукции будет осуществляться с помощью кода Data Matrix.
Предприниматели, реализующие пиво в розницу, должны зарегистрироваться в информационной системе маркировки и прослеживаемости товаров, адаптировать кассовое оборудование и использовать 2D-сканер либо веб-кассу, поддерживающую работу с маркировкой. При продаже продукции код Data Matrix будет сканироваться, после чего товар будет выведен из оборота в системе.
В ходе проверок выявляется и изымается контрафактная продукция без акцизных марок и соответствующей маркировки, а лица, нарушающие требования законодательства, привлекаются к ответственности. Эти меры направлены на ограничение незаконного оборота товаров, защиту добросовестного предпринимательства, увеличение доходов бюджета и обеспечение безопасности потребителей», – отметил спикер.
Бакудегі Әзербайжан ұлттық тарих музейінде Түркістанның тарихи-мәдени мұрасы мен Қожа Ахмет Ясауидің рухани мұрасына арналған «Көгілдір күмбез құпиясы» халықаралық көрмесі ашылды. Көрмені Қазақстанның «Әзірет Сұлтан» ұлттық тарихи-мәдени музей-қорығы әзірледі.
Жоба Қазақстан Республикасының Президенті Қасым-Жомарт Тоқаевтың Қожа Ахмет Ясауи мұрасын зерттеу, сақтау және халықаралық деңгейде кеңінен таныту жөніндегі тапсырмалары аясында ұйымдастырылды. Көрме Қазақстан Республикасы Мәдениет және ақпарат министрлігінің, Әзербайжан Республикасы Мәдениет министрлігінің және Түркі мәдениеті мен мұрасы қорының қолдауымен ашылды.
Көрмеге XII ғасырдан жеткен түпнұсқа терракота тақташалары, XIV ғасырдағы жылтыраған қаптама үлгілері, майолика мен мозаика үлгілері қойылды. Сондай-ақ Қожа Ахмет Ясауи кесенесіндегі куфи жазулары мен араб каллиграфиясы бейнеленген фотоматериалдар ұсынылды. Кесененің сәулеті мен ондағы көне жазуларға да айрықша мән берілген.
Көрменің негізгі бөлігін Қожа Ахмет Ясауи кесенесінің екі макеті құрайды. Оның бірі кешеннің ішкі құрылымы мен негізгі бөлмелерінің орналасуын көрсетсе, екіншісі кесененің тұтас сәулеттік келбетін бейнелейді.
Арнайы бөлім Қожа Ахмет Ясауидің рухани және зияткерлік мұрасына арналған. Мұнда қолжазбалар мен тарихи деректер, шежірелік «Насабнама», сондай-ақ Ясауи ілімінің түркі халықтарының рухани дәстүріне маңызын танытатын ізбасарларының еңбектері қойылған.
Іс-шара аясында «Әзірет Сұлтан» ұлттық тарихи-мәдени музей-қорығы мен Әзербайжан ұлттық тарих музейі ынтымақтастық туралы меморандумға қол қойды. Құжат мәдени мұраны сақтау, зерттеу, мамандар алмасу, ортақ ғылыми және мәдени жобаларды қолға алу бағытындағы әріптестікті қамтиды.
Халықаралық көрме Қазақстан мен Әзербайжан музейлері арасындағы байланысты кеңейтіп, Түркістанның тарихи-мәдени мұрасын әлемге кеңінен танытуға бағытталды.
___
В Баку открылась международная выставка «Тайна небесной глазури»
В Национальном музее истории Азербайджана в Баку открылась международная выставка «Тайна небесной глазури», посвящённая историко-культурному наследию Туркестана и духовному наследию Ходжи Ахмеда Яссауи. Экспозицию подготовил Национальный историко-культурный музей-заповедник «Әзірет Сұлтан» Республики Казахстан.
Проект реализован в рамках поручений Президента Республики Казахстан Касым-Жомарта Токаева по изучению, сохранению и международному представлению наследия Ходжи Ахмеда Яссауи. Выставка организована при поддержке Министерства культуры и информации Республики Казахстан, Министерства культуры Азербайджанской Республики и Фонда тюркской культуры и наследия.
В экспозиции представлены подлинные терракотовые плитки XII века, фрагменты поливной глазури XIV века, элементы майолики и мозаики, а также фотоматериалы с изображениями куфических надписей и арабской вязи мавзолея Ходжи Ахмеда Яссауи. Отдельное внимание уделено архитектуре и эпиграфике мавзолея.
Центральное место в экспозиции занимают два макета мавзолея Ходжи Ахмеда Яссауи. Один демонстрирует внутреннюю структуру комплекса и расположение основных помещений, второй – его целостный архитектурный облик.
Отдельный раздел посвящён духовному и интеллектуальному наследию Ходжи Ахмеда Яссауи. Здесь представлены рукописи и исторические материалы, «Насабнама» – родословная, а также труды последователей Яссауи, отражающие влияние его учения на духовную традицию тюркских народов.
В ходе мероприятия также подписан меморандум о сотрудничестве между Национальным историко-культурным музеем-заповедником «Әзірет Сұлтан» и Национальным музеем истории Азербайджана. Документ предусматривает сотрудничество в сфере сохранения и изучения культурного наследия, обмен специалистами, а также реализацию совместных научных и культурных проектов.
Выставка направлена на развитие музейного сотрудничества между Казахстаном и Азербайджаном и популяризацию историко-культурного наследия Туркестана на международном уровне.
Мемлекет басшысы Қасым-Жомарт Тоқаевтың «Халық үніне құлақ асатын мемлекет» тұжырымдамасына сәйкес бүгін Түркістан облысы әкімінің бірінші орынбасары Зұлпыхар Жолдасов өңір тұрғындарымен жеке қабылдау өткізді.
Онда өзі жетекшілік ететін салалар бойынша азаматтардың сұрақтары мен өтініштері тыңдалды. Қабылдау барысында азаматтар баспана кезегі, газ кіргізу мәселесі, сондай-ақ әлеуметтік және денсаулық салаларына қатысты мәселелер көтерілді. Азаматтардың басым бөлігі тұрғын үй алу бойынша өтініштерін жеткізді.
Тұрғындардың ұсыныстары мен шағымдарын мұқият тыңдаған Зұлпыхар Жолдасов көтерілген әрбір мәселе жіті зерделеніп, заң аясында шешімін табатынын жеткізді. Жауапты тұлғаларға тиісті тапсырмалар жүктеп, орындалу барысы өз бақылауында болатынын айтты.
Айта кетейік, облыс әкімі мен оның орынбасарларының өңір тұрғындарын жеке қабылдауы тұрақты түрде кестеге сәйкес жүргізіліп келеді. Қабылдауға е-otinish бірыңғай базасы арқылы немесе «Ашық әкімдік» кеңсесіне келіп, жазбаша өтініш тастау арқылы жазылуға болады.
Түркістан облысы әкімінің баспасөз қызметі