Меню
Жанар Әлібекқызы 1982 жылы Жамбыл облысы, Қаратау қаласында дүниеге келген.
Білімі жоғары. 2006 жылы Қ.А.Ясауи атындағы халықаралық қазақ-түрік университеті саясаттанушы мамандығы бойынша бітірген.
Саясаттану мамандығы бойынша магистр. 2017 жылы Алматы экономика және статистика академиясын экономика мамандығы бойынша тәмамдаған.
Еңбек жолын 2004-2006 жылдары Қ.А.Ясауи атындағы ХҚТУ Шымкент институтында «Саясаттану» кафедрасының оқытушысы болып бастаған.
2006-2016 жылдары сол кездегі Оңтүстік Қазақстан облысы ішкі саясат департаментінде бас маман, бөлім басшысы қызметін атқарған.
2014-2015 жылдары Оңтүстік Қазақстан облысының ішкі саясат басқармасы басшысының орынбасары қызметін атқарды.
2015-2016 жылдары ОҚО ішкі саясат және дін істері басқармасы басшысының орынбасары, 2016 жылы ОҚО әкімі аппараты жалпы бөлімінің бас инспекторы, 2016-2019 ОҚО Түлкібас ауданы әкімінің орынбасары қызметін атқарды.
2019 жылы Шымкент қаласының ішкі саясат және дін істері басқарма басшысының орынбасары, 2019-2021 жылдары Шымкент қаласының ішкі саясат және жастар істері жөніндегі басқармасының басшысы қызметін атқарды.
2021-2022 жылдары «Nur Otan» партиясы Шымкент қалалық филиалы төрағасының бірінші орынбасары болды.
2022-2024 «Amanat» партиясы Шымкент қалалық филиалының атқарушы хатшысы, 2024 жылдан бастап осы күнге дейін Астана қаласындағы «Amanat» партиясының ұйымдастыру және аумақтық жұмыс департаментінің директоры қызметін атқарып келді.