Көктерек ауылдық округіне қарасты Кеңестөбе елді мекені Ақмешіт Мәдениет үйінде 8 наурыз – Халықаралық әйелдер күні мерекесіне орай «Аналар – бұл өмірде күре тамыр» атты мерекелік іс-шара өтті. Іс-шараға арнайы қатысқан Көктерек ауылдық округінің әкімі А.Мәуленов құттықтау сөз сөйлеп, округтің әлеуметтік-экономикалық дамуына қосқан үлесі үшін бірқатар батыр аналар мен әр салада жемісті қызмет етіп жүрген қыз-келіншектерге алғыс хат пен сый-сияпат табыс етті. Одан әрі өнерпаздар ән мен биден шашу шашып, барша көрермендерге көтеріңкі көңіл күй сыйлады.