Ұсынылған қаулы жобасында ағымдағы жылы көрнекті мемлекет қайраткері және журналист Темірбек Жүргеновтің туғанына 125 жыл толуына орай мерейтойды атап өту қарастырылған.
Осы мерейтой бойынша жергілікті атқарушы органдармен өңірлік іс-шаралар жоспарлары бекітіліп, жалпыреспубликалық жоспарға іс-шаралар ұсынылды.
Жалпыреспубликалық жоспарға өңірлік және республикалық деңгейлерде мерейтойлық 77 ауқымды іс-шаралар енгізілді.
Атап айтқанда, Қызылорда облысында көрнекті мемлекет қайраткеріне ескерткіш орнату, есімін елді мекендердің құрамдас бөліктеріне (көшелеріне) беру, деректі фильм түсіру, республикалық ғылыми-практикалық конференциялары, мерейтойлық почта маркаларын және монетаны әзірлеп шығару, жазба ақындар мүшәйрасын өткізу, халықтық театрларының фестивальдері және басқа да ауқымды жобалар өткізу көзделген.