Қазақстан Республикасы Мәдениет және спорт министрлігі (бұдан әрі – Министрлік) жеке кәсіпкерлік субьектілерінің бірлестіктері мен өзге де коммерциялық емес ұйымдарды (бұдан әрі – бiрлестiктер мен ұйымдар) аккредиттеуді өткізуге өтініштер мен құжаттар қабылдаудың басталғаны туралы хабарлайды.
Аккредиттеуге құжаттарды қабылдау 2022 жылғы 2-15 маусым аралығында (қоса алғанда) жүзеге асырылады.
Қазақстан Республикасы Үкіметінің 2018 жылғы 30 қарашадағы № 799 қаулысымен бекітілген Жеке кәсіпкерлік субъектілерінің бірлестіктері мен өзге де коммерциялық емес ұйымдарды аккредиттеуді өткізу қағидалары, аккредиттеудің күшін жою негіздері мен тәртібіне (бұдан әрі – Қағидалар) сәйкес аккредиттеуге республикалық бiрлестiктерi мен ұйымдары жатады.
Аккредиттеу алу үшiн өтiнiш берушi Министрлікке мынадай құжаттарды ұсынуы қажет:
1) осы Қағидаларға сәйкес нысан бойынша өтініш;
2) салыстыру үшін түпнұсқасы ұсынылмаған жағдайда, құрылтай құжаттарының және заңды тұлғаның, филиалдың (өкілдіктердің) мемлекеттiк тiркелгенін (қайта тіркелгенін) растайтын құжаттардың нотариалды куәландырылған көшiрмелерiн;
3) бизнес-сәйкестендiру нөмiрлерін көрсете отырып, бірлестік және/немесе ұйым мүшелерінің тізімін ұсынады.
Құжаттарды қарау және аккредиттеу туралы куәлiктi беру туралы немесе аккредиттеуден бас тарту туралы шешiм қабылдау мерзімі – өтініштерді қабылдау мерзімі аяқталған сәттен бастап 15 (он бес) жұмыс күнi.
Аккредиттеуге құжаттарды қабылдау Министрліктің кеңсесі арқылы (74-04-29, 74-04-54) мына мекенжай бойынша жүзеге асырылады: Нұр-Сұлтан қаласы, Мәңгілік Ел даңғылы, 8, 15-кіреберіс.
Анықтама телефоны: 8 7172 74-13-15.