Қазақстан Республикасы Мәдениет және спорт министрлігінің Спорт және дене шынықтыру істері комитеті келесі бос лауазымға конкурс жариялайды:
«Дене шынықтыру және спорт бойынша республикалық оқу-әдістемелік және талдау орталығы» РМҚК директоры;
«Дене шынықтыру және спорт бойынша республикалық оқу-әдістемелік және талдау орталығы» РМҚК мына мекен-жайда орналасқан: Нұр-Сұлтан қаласы, Қабанбай батыр даңғылы, 45а.
Кәсіпорынның негізгі қызметі жоғары білікті спортшылардың әртүрлі кезеңдердегі дайындығын әдістемелік ұсынымдармен қамтамасыз ету болып табылады.
Конкурсқа қатысушыларға қойылатын талаптар: жоғары (және/немесе жоғары білімнен кейінгі) педагогикалық, заң немесе экономикалық білімі, басшылық лауазымдарда кемінде 5 жыл жұмыс өтілі немесе спорт және дене шынықтыру саласында кемінде 5 жыл жұмыс тәжірибесінің болуы, Қазақстан Республикасының заңдарын білу.
Конкурсқа қатысушылардың мынадай құжаттары болуы керек:
1) конкурсқа қатысуға өтініші;
2) қазақ және орыс тілдеріндегі түйіндеме;
3) өз қолымен жазылған өмірбаяны;
4) білімі туралы құжаттардың белгіленген тәртіппен куәландырылған көшірмесі;
5) еңбек кітапшасының немесе жеке еңбек шартының белгіленген тәртіппен куәландырылған көшірмесі, болмаса соңғы жұмыс орнынан қабылдау немесе жұмыстан босату туралы бұйрықтардың белгіленген тәртіппен куәландырылған үзінді көшірмесі;
6) денсаулығы туралы анықтама;
7) соттылығы туралы анықтама.
Конкурсқа қатысу үшін құжаттарды қабылдау хабарландыру бұқаралық ақпарат құралдарында жарияланған күннен бастап 15 күнтізбелік күн ішінде 2021 жылғы 19 қазанға дейінгі мерзімде мына мекен-жайда қабылданады:
Нұр-Сұлтан қаласы, Мәңгілік ел даңғылы 8, «Министрліктер үйі», 15 кіреберіс, тел: 741269, 740500.