Көлік саласында тұңғыш рет «Магистраль Awards» ұлттық премиясы табыс етіледі

Көлік және логистика саласындағы «Магистраль Awards» І ұлттық премиясы ҚР Көлік министрлігінің, «Н.К.Исингариннің көлік бастамалары қоры» ҚҚ, «ҚТЖ» ҰК» АҚ, Kazlogistics Қазақстан көлікшілер одағының және ҚР корпоративтік коммуникациялар қауымдастығының қолдауымен өткізіледі.

Аталған шара саланың инвестициялық тартымдылығын арттыру, салада орын алған проблемаларға назар аудару, көлік және логистика саласындағы жетістіктерді көтермелеу әрі Қазақстанның көлік-логистикалық инфрақұрылымының геостратегиялық маңыздылығы мен транзиттік мүмкіндіктерінің өсуі жағдайында экономиканың жүйе құраушы саласы ретінде көлік кешенінің мәртебесін арттыру мақсатында ұйымдастырылып отыр.

Байқау үш кезеңнен тұрады:

I кезең – қатысуға өтінімдерді қабылдау.

II кезең – Сараптамалық кеңес мүшелерінің қатысушылардың жұмыстарын бағалауы.

III кезең – салтанатты марапаттау рәсімі.

Сонымен қатар қатысушылар «Сәтті бастама», «Жылдың үздік жобасы», «Сенімді халықаралық серіктес», «Сандық логистика көшбасшысы», «Көлік саласындағы серпіліс», «Көлік бизнесін сындарлы қорғағаны үшін», «Қоғамдық диалог орнатудағы шеберлігі үшін», «Қазақстанның көлік кешеніндегі үздік HR-бастамалар», «Қазақстанның көлік ғылымын дамыту», «Тиімді көлік шешімдерін құру», «Салалық дәстүрлерге дегенадалдық», «Көліктегі үздік медиа бастама» және ұйымдастырушылардың қалауы бойынша арнайы номинациялар бойынша марапатталады.

Көлік кешенінің еңбек сіңірген мамандары мен қоғам қайраткерлерінен тұратын сараптамалық кеңес желтоқсан айының басында 50-ден астам өтінімді қарастырған болатын. Конкурстың қорытындысы биыл 20 желтоқсанда Астана қаласында көлік қоғамдастығы көшбасшылары мен халықаралық сарапшылардың қатысуымен өтетінсыйлық лауреаттарын марапаттау салтанаты барысында шығарылады.