МОБИЛЬДІ ҚАБЫЛДАУ ӨТТІ

Тасқала ауданының Мерей ауылдық округіне қарасты Айнабұлақ пен Мерей ауылдарында мобильді қабылдау өтті. Аталған шараға аудандық мәслихат депутаттары, «AMANAT» партиясы аудандық филиалының төрағасы, фракция жетекшісі Люция Жұбанышқалиева мен аудандық мәслихат төрағасы Жанар Бисенғалиева қатысып, тұрғындарға мобильді қабылдау жүргізді.

Мобильді қабылдауға келген ауыл тұрғындары жаңа мектептің құрылысы бойынша, жер мәселесі, тұрақты жұмысқа орналасу және тағы басқа мәселелер жөнінде сауалдар көтерді. Лаузымды тұлғалар тұрғындардың барлық сұрақтарына толыққанды жауап беріп, кейбір сауалдар оң шешімін табатынын айтты.