Депутаттар Смирнов әлеуметтік қызмет көрсету орталығына барды

Таяуда облыстық мәслихат депутаттары Смирнов әлеуметтік қызмет көрсету орталығында болып, мекеменің тұру және жұмыс істеу шарттарымен танысты. Орталықта денсаулық жағдайын, жасын, жынысын және психологиялық үйлесімділігін ескере отырып, 8 тұрғын блок пен 165 жатын бөлмеде 238 қызмет алушы тұрады, олардың арасында 97 жасқа толған қарт та бар.

Смирнов орталығы өз қызмет алушыларына көптеген қызметтер мен демалыс мүмкіндіктерін ұсынады. Мұнда сенсорлық және тұзды бөлмелер, шаштараз, кітапхана және психолог кабинеті жұмыс істейді. Сонымен қатар, акт залы, ағаш ұстасы шеберханасы, тігін кабинеті және көркемөнер шеберханасы бар, олардың барлығы сабақтар мен рәсімдерді өткізу үшін қажетті жабдықтармен жабдықталған.

Мекеме аумағында көкөніс қоймасы мен шаруашылық ғимараттары, оның ішінде монша-кір жуу комбинаты, ағаш ұстасы цехы, гараж және қазандық бар. Сондай-ақ асфальтталған жолдары бар серуендеу аймағы, жабық орындықтар мен әткеншектері бар демалыс аймағы, сондай-ақ шағын сәулет нысандары қарастырылған. Жеке учаскеде көкөніс бақшасы, жылыжай және жеміс екпелері бар. Орталықтың иелігінде 4 бірлік автокөлік бар.

Сапар барысында депутаттар қызмет алушыларымен және қызмет көрсетуші қызметкерлермен әңгімелесіп, олардың ұсыныстары мен ескертулерін тыңдады. Облыстың әлеуметтік қызмет көрсету орталықтарының жай - күйі мәселелерін қарау таяудағы тұрақты комиссия отырысында жоспарланған.