Шымкент қаласында - 22 мәдениет мекемелері бар. Атап айтсақ 7 театр, цирк, концерттік-көрме орталығы, Шымкент концерт концерттік ұйымы, 6 кітапхана (43 филиалымен), музейлер бірлестігі, әдет-ғұрып және салт-дәстүр орталығы, мәдени-бұқаралық іс-шараларды ұйымдастыру дирекциясы, қалалық тілдерді оқыту-әдістемелік орталығы, зообақ және архив мекемелері.

Қалада ресми, көпшілік мәдени іс-шаралармен қатар, мәдениет үйлері мен клубтарда жылдық жоспарға сай және жоспардан тыс іс–шаралар ұйымдастырылады. Жас таланттарды қолдау мақсатында фестивальдер мен байқаулар өткізіледі. Мәдени бағыттағы үйірмелер жұмыс атқарады.

Кітапханалар жүйесінде ресми және айтулы даталарға арналған іс-шаралардан басқа оқырмандардың қатысуымен дөңгелек үстелдер, танымдық сағаттар, тақырыптық кітап сөрелері, кездесулер, радиохабарлар және т.б көпшілік іс-шаралар ұйымдастырылып, жастардың бос уақытын тиімді пайдалану мақсатында танымдық үйірмелер жұмыс жасайды.