«Шымкент қаласының экономика және бюджеттік жоспарлау басқармасы» коммуналдық мемлекеттік мекемесінде сыбайлас жемқорлық тәуекелдерін анықтау мақсатында жүргізілген ішкі талдаудың ТАЛДАМАЛЫҚ АНЫҚТАМАСЫ

Шымкент қаласы 2026 жылғы 18 маусым

Ішкі талдау жүргізу обьектісінің толық атауы:

«Шымкент қаласының экономика және бюджеттік жоспарлау басқармасы» коммуналдық мемлекеттік мекемесі (әрі қарай - Басқарма).

Ішкі талдау жүргізудің негіздері:

«Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы Заңы, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидалары және басқарманың 2026 жылғы 6 мамырдағы №9-н/қ бұйрығы.

Сыбайлас жемқорлық тәуекелдерін ішкі талдаудың бағыты: Басқарманың ұйымдастырушылық-басқарушылық қызметіндегі сыбайлас жемқорлық тәуекелдерін анықтау.

Сыбайлас жемқорлық тәуекелдеріне ішкі талдауды жүргізетін құрылымдық бөлімше, лауазымды тұлға (лауазымды тұлғалар) немесе жұмыс тобының персоналдық құрамы:

Н. Жылқыбаев – Шымкент қаласының экономика және бюджеттік жоспарлау басқармасы басшысының орынбасары, топ жетекшісі;
Қ. Жүсіпов – басқарма басшысының орынбасары, топ мүшесі;
Ж. Олжатай – басқарма басшысының орынбасары, топ мүшесі;
А. Абдуллаева – бюджетті жиынтық жоспарлау бөлімінің басшысы, топ мүшесі;
С. Уйсимбаева –мемлекеттік аппарат, құқық қорғау органдары бөлімінің басшысы, топ мүшесі;
Э. Абильдаева – әлеуметтік - экономикалық жоспарлау бөлімінің басшысы, топ мүшесі;
А. Журкабаева – бюджеттік инвестициялар және мемлекеттік – жекешелік әріптестік бөлімінің басшысы, топ мүшесі;
Л. Керимбекова – экономикалық талдау бөлімінің басшысы, топ мүшесі;
Г. Омарова – білім, мәдениет салалары бөлімінің басшысы, топ мүшесі;
А. Есимова – бюджетті талдау және қаржы-шаруашылық бөлімінің басшысы, топ мүшесі;
О. Курбанов - әлеуметтік сала бөлімінің басшысы, топ мүшесі;
Е. Мықбай – нақты секторды жоспарлау бөлімінің басшысы, топ мүшесі;
М. Рахымбаев - түсімдерді жоспарлау және мониторингілеу бөлімінің басшысы, топ мүшесі;

Ішкі талдауға Шымкент қаласының қоғамдық кеңес төрағасы Б. Парманов пен қоғамдық кеңес мүшесі И. Шалабаев тартылды.

Сыбайлас жемқорлық тәуекелдеріне ішкі талдау жүргізу мерзімі: 13.05.2026-15.06.2026 ж.ж.

Сыбайлас жемқорлық тәуекелдеріне ішкі талдау жүргізу кезеңі: 01.01.2025 ж-15.06.2026 ж.

Сыбайлас жемқорлық тәуекелдеріне ішкі талдауды жүргізуге және жұмыстың нәтижесіне басшылық, үйлестіру және жауаптылық жүктелетін сыбайлас жемқорлық тәуекелдеріне ішкі талдау субъектісінің лауазымды тұлғасы: А. Есимова.

Персоналды басқарумен байланысты сыбайлас жемқорлық тәуекелдерін анықтау:

Шымкент қаласының экономика және бюджеттік жоспарлау басқармасының міндеттері:

1) Шымкент қаласының әлеуметтік-экономикалық дамуының мақсатты басымдықтарын іске асыру.

2) Мемлекеттік жоспарлау жүйесінің өңірлік құжаттарын қалыптастыру және жүзеге асыру.

3) Жергілікті бюджетті жоспарлау.

4) Шымкент қаласының әлеуметтік-экономикалық дамуының мақсатты басымдықтарын іске асыру.

Басқарма 10 бөлімнен тұрады.

Басқарманың штат саны – 39. Еңбек шартымен жұмыс істейтін қызметкерлер саны – 13.

2026 жыл бойынша мемлекеттік қызметке қабылдау конкурстарын өткізу процесінде сыбайлас жемқорлық тәуекелдері анықталмады;
Келісімшарт негізінде жұмыс істейтін қызметкерлер «Халықты жұмыспен қамту орталығының» жолдамасы арқылы қабылданған, сыбайлас жемқорлық тәуекелдер анықталмады;
Талдау барысында, басқарманың барлық мемлекеттік қызметшілерінің және келісімшарт негізіндегі қызметкерлердің жеке іс құжаттары толығымен тексеріліп, нәтижесінде кемшіліктер анықталған жоқ.
2025 жылы ішкі талдау мерзімінде 5 (бес) кадрлық ауысым болған. Кадрлық ауысу «Қазақстан Республикасының мемлекеттік қызмет туралы» Заңының талаптарына сәйкес жүргізілген.
2025 жылы 5 (бес) қызметкер басқа қызметке ауысуына байланысты жұмыстан босаған, сыртқы және ішкі конкурспен мемлекеттік қызметке қабылдау өткізу процесінде және де бұйрықпен тағайындау заңнамаға сай рәсімделіп, сыбайлас жемқорлық тәуекелдері анықталмады.
2026 жылғы 15 маусымға ішкі талдау мерзімінде 6 (алты) кадрлық ауысым болған. Кадрлық ауысу «Қазақстан Республикасының мемлекеттік қызмет туралы» Заңының талаптарына сәйкес жүргізілген.
2026 жылғы 15 маусымға 1 (бір) қызметкер басқа қызметке ауысуына байланысты жұмыстан босаған, 1 (бір) қызметші ашық конкурс арқылы бос лауазым орнына қабылданды, сыртқы және ішкі конкурспен мемлекеттік қызметке қабылдау өткізу процесінде және де бұйрықпен тағайындау заңнамаға сай рәсімделіп, сыбайлас жемқорлық тәуекелдері анықталмады.
Талдау барысында, басқарманың барлық мемлекеттік қызметшілері және келісім шарт негізіндегі қызметкерлер қолданыстағы заңнамаға сәйкес белгіленген мерзімде жыл сайынғы кіріс пен мүлік туралы декларацияны тапсырмау және заңмен белгіленген тиісті шектеулері қабылдамау фактілері анықталмады;
Мемлекеттік қызметшілерге және келісімшарт негізінде жұмыс істейтін қызметкерлерге «Шымкент қаласының экономика және бюджеттік жоспарлау басқармасының» сыйлықақы беру туралы басқарма басшысының бұйрықтары, басқарма басшысы орынбасарларының қызметтік хаттары және Шымкент қаласының экономика және бюджеттік жоспарлау басқармасының мемлекеттік қызметшілеріне және техникалық қызмет көрсетуді және олардың жұмыс істеуін қамтамасыз ететін жұмыскерлерге сыйлық, сыйлықақы беру, материалдық көмек көрсету және лауазымдық жалақыларына үстемеақы беру туралы комиссия отырысының хаттамалары негізінде сыйлықақылар беріліп, сыйлықақы беру барысында сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Мемлекеттік қызметшілердің біліктілігін арттыру және қайта даярлау семинарларына қатысу басқарма басшысының бұйрығымен рәсімделіп, бұйрықтарда сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
2025 жылы «Икемді жұмыс уақыты режимін белгілеу туралы» Қазақстан Республикасының 2015 жылғы 23 қарашадағы Еңбек Кодексінің 74 бабына сәйкес 03.03.2025 жылғы № 23 ж-қ бұйрығымен басқарманың мемлекеттік қызметшісі Г. Қалыкозоваға 04.03.2025 ж. – 31.03.2025 ж. аралығыда икемді жұмыс уақыты белгіленген, бұйрықта сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Қазақстан Республикасы Үкіметінің 2001 жылғы 29 тамыздағы №1127 «Мемлекеттік бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемақылар белгілеу, сондай-ақ мемлекеттік әкімшілік қызметшілерге бонустар төлеу қағидаларын бекіту туралы» қаулысының 8-тармағының 3-тармақшасына сәйкес 09.07.2025 жылы басқарманың 1 қызметкеріне белгіленген тәртіпте материалдық көмек көрсетілді, материалдық көмек беру барысында сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Қазақстан Республикасы Үкіметінің 2001 жылғы 29 тамыздағы №1127 «Мемлекеттік бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемақылар белгілеу, сондай-ақ мемлекеттік әкімшілік қызметшілерге бонустар төлеу қағидаларын бекіту туралы» қаулысының 8-тармағының 1-тармақшасына сәйкес басқарма басшысының 04.03.2026 жылғы бұйрығымен басқарманың 1 қызметкеріне белгіленген тәртіпте материалдық көмек көрсетілді, материалдық көмек беру барысында сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Қазақстан Республикасы Үкіметінің 2001 жылғы 29 тамыздағы №1127 «Мемлекеттік бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемақылар белгілеу, сондай-ақ мемлекеттік әкімшілік қызметшілерге бонустар төлеу қағидаларын бекіту туралы» қаулысының 8-тармағының 2-тармақшасына сәйкес басқарма басшысының 04.03.2026 жылғы бұйрығымен басқарманың 1 қызметкеріне белгіленген тәртіпте материалдық көмек көрсетілді, материалдық көмек беру барысында сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Одан бөлек 2025 жылы мемлекеттік қызметшілерді Қазақстан Республикасының мемлекеттік қызметі туралы 2015 жылғы 23 қарашадағы Заңына сәйкес тоқсандық бағалау уақытылы жүргізіліп, орындалған. 2025 жылғы төрт тоқсандық бағалау нәтижесі бойынша төмен бағамен бағаланған қызметшілер жоқ, сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Талдау барысында тәртіптік жаза қолдану кезінде заңдылықты бұзушылықтар анықталмады;

Анықтама үшін: талдау қамтылған кезеңде 2025 жылы 2 мемлекеттік қызметшілерге тәртіптік жаза қолданған (тәртіптік жаза алған екі қызметкер де басқа жұмысқа ауысты).

Заңнамаға сәйкес лауазымдық айлықақы есептеуге негізделген еңбек өтілін есептеу комиссиясы басқарманың мемлекеттік қызметшілерімен құрылып, жұмыс жасаған, сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);
Демалыс күндері мемлекеттік қызметшілердің жұмысқа шығу қажеттілігі туындаған жағдайда басқарма басшысы орынбасарының қызметтік хатымен рәсімделген және де мемлекеттік қызметшілердің келісімімен заңнамаға сәйкес бұйрық дайындалып, басқарманың ұжымдық шартындағы мөлшерлемемен өтемақы төленген, сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);

Басқарманың мемлекеттік қызметшілеріне Бас прокуратураның Құқықтық статистика және арнайы есепке алу жөніндегі комитетінің деректер базасы арқылы сұрау салынып, нәтижесінде сыбайлас жемқорлық құқық бұзушылық әрекеттерге байланысты жауапкершілікке тартылғандар анықталмаған.

Қазақстан Республикасының Мемлекеттік қызмет істері агенттігі Төрағасының Қағиданың 4 тармағында мемлекеттік қызметшілердің жұмыс уақытын есепке алу және еңбек тәртібін сақтауды бақылау мақсатында сәйкестендіру картасы жүйесінде тіркеледі және мемлекеттік органның ғимаратына кіруге рұқсаттама ретінде қолданылады деп ескертілген.

Бұл ретте, Қазақстан Республикасының Президент Әкімшісінің тапсырмасына сәйкес, ақпараттық жүйе деректер бойынша мемлекеттік органдардың мемлекеттік қызметшілердің ғимаратқа кіру-шығу уақытына жүргізілген мониторинг нәтижесінде, басқарманың қызметкерлері жұмыс уақыты аяқталғаннан кейін кешігіп шығуы анықталмады.

Одан бөлек «Мемлекеттік әкімшілік қызметшілердің тағылымдама қағидаларының» 20- тармағына сәйкес, талдау мерзімі аралығында 3 мемлекеттік қызметшілер тағылымдамадан өткен, бұл жөнінде жоғары органға есептілік тапсырылды.

Үстемеақы бойынша:

«Мемлекеттік бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемақылар белгілеу, сондай-ақ мемлекеттік әкімшілік қызметшілерге бонустар төлеу қағидаларын бекіту туралы» Қазақстан Республикасы Үкіметінің 2001 жылғы 29 тамыздағы №1127 қаулысының 5-тармағының 3-тармақшасына сәйкес, 2024 жылдың 6 қыркүйегіндегі № 53 ж-қ бұйрығымен басқарма басшысының орынбасарына мемлекеттік құпияларды құрайтын құжаттармен жұмыс жүргізу жүктелуіне байланысты өзінің айлықақысының 30 (отыз) пайыз мөлшерінде үстемақы белгіленген, үстемеақы белгілеу барысында сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);

Мүдделер қақтығысымен байланысты сыбайлас жемқорлық тәуекелдерін анықтау:

Талдау барысында басқарма қызметіне зиян келтіруі мүмкін мүдделер қақтығысы анықталмады.

Мемлекеттік көрсетілетін қызметтермен байланысты сыбайлас жемқорлық тәуекелдерін анықтау:

Басқармада «Мемлекеттік көрсетілетін қызметтер функциялары» жоқ.

Рұқсат етуші функцияларын жүзеге асырумен байланысты сыбайлас жемқорлық тәуекелдерін анықтау:

Басқармада «Рұқсат етуші функциялары» жоқ.

Бақылау-тексеру функцияларын жүзеге асырумен байланысты сыбайлас жемқорлық тәуекелдерін анықтау:

Басқармада «Бақылау-тексеру функциялары» жоқ.

Бюджет және қаржы қаражатын игеру және бөлуге байланысты сыбайлас жемқорлық тәуекелдерін анықтау бойынша:
2025 жылы басқарма аппаратының стратегиялық бағыттары, өзіне жүктелген

функциялар мен міндеттерді тиімді орындау үшін оның қызметін қамтамасыз ету шығындарына бөлінген қаржы - 476 893,0 мың теңге болса толығымен игерілген сома 476 882,5 мың теңге.

Одан бөлек, Қазақстан Республикасы Қаржы министрлігі Ішкі мемлекеттік аудит комитетінің Шымкент қаласы бойынша Ішкі мемлекеттік аудит департаменті ҚР Қаржы министрлігі Ішкі мемлекеттік аудит комитетінің және аймақтық департаментінің 2024 жылға арналған мемлекеттік аудит объектілерінің тізбесіне сәйкес, «Шымкент қаласының экономика және бюджеттік жоспарлау басқармасының» 2024 жылдың шоғырландырылған қаржылық есептілігіне аудит жүргізді.

Қаржылық аудитті жүргізу нәтижесінде, Қазақстан Республикасының нормативтік-құқықтық актілері бойынша түсіндірме жұмыстары жүргізілді. Талдау барысында сыбайлас жемқорлық тәуекелдерінің белгілері орын алмаған (үйлестірілген көлемінде және ресімдеу процесінде);

Жеке және заңды тұлғалармен шарт жасасу бойынша сыбайлас жемқорлық тәуекелдерін анықтау:

Басқармада «Жеке және заңды тұлғалармен шарт жасасу бойынша» сыбайлас жемқорлық тәуекелдері анықталмаған.

Ақпараттық жүйелерді әзірлеу және пайдалануға байланысты сыбайлас жемқорлық тәуекелдерін анықтау:

Басқармада «Ақпараттық жүйелерді әзірлеу және пайдалану бойынша» сыбайлас жемқорлық тәуекелдері анықталмаған;

Талдау обьектісінің ұйымдастырушылық-басқарушылық қызметінен туындайтын өзге де мәселелер бойынша анықталған сыбайлас жемқорлық тәуекелдер:

Бюджетті жоспарлау барысында «Арнаулы әлеуметтік қызмет көрсету орталықтарының» штат бірліктеріне қатысты нормативтік құжат бекітілген.

Алайда, қосымша қызмет көрсететін әлеуметтік мекемелер үшін (Мысалы: «Ізетті зейнеткер» КММ, «Тең Қоғам» КММ, «Белсенд іұзақ өмір сүру орталығы») штаттық норматив бекітілмеген. Яғни мекемелердің жүктемесі мен нақты штат қажеттілігі ескерілмей қалуда.

«Арнаулы әлеуметтік қызмет көрсететін мекемелер» үшін дәрі-дәрмекке арналған тұтыну нормативтері де бекітілмеген.

Бұл қажетті дәрілік заттардың көлемін анықтай отырып бюджетті жоспарлауға кедергі келтіруде.

Қосымша қызмет көрсететін әлеуметтік мекемелердің нормативті құжаттардың болмауы және «Арнаулы әлеуметтік қызмет көрсететін мекемелер» үшін дәрі-дәрмекке нормативінің болмауы.

Ұсыныс:

Қосымша әлеуметтік қызмет көрсететін мекемелерге арналған штаттық нормативтерді әзірлеп нормативтерді заңды түрде бекіту және арнаулы әлеуметтік мекемелерге қажетті дәрі-дәрмек көлеміне қатысты нормативтерді заңды түрде бекіту қажет.

Осыған орай, әлеуметтік қызмет көрсететін мекемелерге арналған штаттық нормативтерді әзірлеу туралы және «Арнаулы әлеуметтік қызмет көрсететін мекемелер» үшін дәрі-дәрмекке арналған тұтыну нормативтерді заңды түрде бекіту үшін ҚР Еңбек және халықты әлеуметтік қорғау министрлігіне 2026 жылдың 29 мамырында № 41-08-04/398 шығыс хаты жоданды.

«Мемлекеттік инвестициялық жобаларды жоспарлау және іске асыру, инвестициялық ұсынысты, техникалық-экономикалық және қаржылық-экономикалық негіздемелерді әзірлеу немесе түзету, қажетті сараптамалар жүргізу, бюджеттік кредиттеудің орындылығын айқындау, мемлекеттік инвестициялық жобалар портфелін қалыптастыру, сондай-ақ мемлекеттік инвестициялық жобалардың бекітілген (нақтыланған) параметрлерін түзету, іріктеу, іске асырылуын мониторингтеу және бағалау қағидаларын бекіту туралы» Қазақстан Республикасы Ұлттық экономика министрінің м.а. 2025 жылғы 28 маусымдағы № 59 бұйрығының 2-параграфы бойынша Бюджеттік инвестициялық жобалардың іске асырылуына мониторингті айқындалған заңды тұлға жүргізеді. Алайда, аталған қызметінің құнын айқындауға әдістеме қарастырылмаған. Бұл қажетті қаржы көлемін жоспарлауға мүмкіндік берілмеуде.

Бюджеттік инвестициялық жобаларды және Инвестициялар мониторингінің құнын айқындау әдістемесі заңнама аясында қарастырылмаған. Осының салдарынан қызметті қаржы жылына жоспарлауға мүмкіндік болмауда.

Ұсыныс: Бюджеттік инвестициялық жобалардың және Инвестициялар іске асырылуына мониторинг жүргізуге құнын айқындау әдістемесін бекіту.

Бюджет қаржыларын тиімді және сапалы жоспарлау мақсатында, бюджеттік инвестициялық жобаларды және Инвестициялар мониторингінің құнын айқындауға түсініктеме беру туралы сұраныс хат Қазақстан Республикасы Ұлттық экономика министрлігіне 2026 жылдың 08 маусымында № 41-04-15/452 жолданды.

Анықталған сыбайлас жемқорлық тәуекелдері, құқық бұзушылық туралы ақпарат:

Құқық бұзушылық туралы ақпараттар орын алмаған, тәуекел анықталмаған;

Сыбайлас жемқорлық тәуекелдері бойынша ішкі талдау нәтижелері:

1) Қосымша әлеуметтік қызмет көрсететін мекемелерге арналған штаттық нормативтерді әзірлеп нормативтерді заңды түрде бекіту қажет және арнаулы әлеуметтік мекемелерге қажетті дәрі-дәрмек көлеміне қатысты нормативтерді заңды түрде бекіту;

2) Бюджет қаржыларын тиімді және сапалы жоспарлау мақсатында, бюджеттік инвестициялық жобаларды және Инвестициялар мониторингінің құнын айқындау;

Сыбайлас жемқорлық тәуекелдерін жою бойынша ұсынымдар:

-Қосымша әлеуметтік қызмет көрсететін мекемелерге арналған штаттық нормативтерді әзірлеп нормативтерді заңды түрде бекіту қажет және арнаулы әлеуметтік мекемелерге қажетті дәрі-дәрмек көлеміне қатысты нормативтерді нормативтерді заңды түрде бекіту ұсынылады;

- Бюджет қаржыларын тиімді және сапалы жоспарлау мақсатында, бюджеттік инвестициялық жобаларды және Инвестициялар мониторингінің құнын айқындау ұсынылады.

Шымкент қаласының қоғамдық

кеңес төрағасы Б. Парманов

Шымкент қаласының қоғамдық

кеңес мүшесі И. Шалабаев

Топ жетекшісі

Басқарма басшысының орынбасары Н. Жылқыбаев

Басқарма басшысының орынбасары Қ. Жүсіпов

Басқарма басшысының орынбасары Ж. Олжатай

Бюджетті жиынтық жоспарлау

бөлімінің басшысы А. Абдуллаева

Әлеуметтік-экономикалық жоспарлау

бөлімінің басшысы Э. Абильдаева