2022 жылғы 22 желтоқсандағы Қазақстан Республикасының Үкіметі мен Өзбекстан Республикасының Үкіметі арасындағы жоғары және жоғары оқу орнынан кейінгі білім саласындағы ынтымақтастық туралы келісім шеңберінде 2025-2026 оқу жылына арналған Өзбекстан Республикасының жоғары оқу орындары бакалавриат бағдарламасына 20 оқу грантын ұсынады.
Жоғары оқу орындары мен мамандықтардың тізімін мына жерден көре аласыздар.
Оқу тілі – өзбек/орыс тілі.
Грант келесі шығындарды қамтиды:
✔ тегін оқу;
✔ тегін жатақхана;
✔ тегін емхана, кітапхана және медициналық қызмет көрсету.
Ескертеміз!!! Қалған шығынды, оның ішінде көлік және тұру шығындарын грант иегері өз қаражаты есебінен төлейді.
Құжаттың толық пакеті 2025 жылғы 25 тамыздан 3 қыркүйекке дейін қабылданады.
Білім беру саласындағы келісімдер шеңберінде шетелде оқуға үміткерлерді іріктеу дербес әңгімелесу жолымен жүзеге асырылады.
Халықаралық шарттар шеңберінде шетелде оқуға үміткерлерді іріктеу кезінде жетім балалар мен ата-анасының қамқорлығынсыз қалған балалар; бала кезінен мүгедектер мен мүгедек балалар; көп балалы отбасынан шыққан балалар; ауылдық елді мекендерде соңғы 2 (екі) жыл тұратын үміткерлер; шетелдік жоғары оқу орындарынан шақыруы бар үміткерлер басымдыққа ие.
Қорытынды іріктеуді қабылдаушы тарап өткізеді.
Назар аударыңыз!!! Құжат тапсыру бойынша толық ақпаратты жадынамадан көре аласыз.