Қазақстан Республикасы Ғылым және жоғары білім министрлігі «Мемлекеттік білім беру кредитін беру мен орналастырудың кейбір мәселелері туралы» Қазақстан Республикасы Ғылым және жоғары білім министрі бұйрығының жобасын (бұдан әрі – Жоба) әзірледі.
Жобада «Маманды жұмысқа жіберу, бюджет қаражаты есебінен шеккен шығыстарды өтеу, өз бетімен жұмысқа орналасу құқығын беру, мемлекеттік білім беру тапсырысы негізінде білім алған Қазақстан Республикасының азаматтарын жұмыспен өтеу жөніндегі міндетінен босату немесе олардың міндетін тоқтату қағидаларын бекіту туралы» Қазақстан Республикасы Ғылым және жоғары білім министрінің міндетін атқарушысының 2023 жылғы 11 тамыздағы № 403 бұйрығына, сондай-ақ, «Мемлекеттік білім беру кредитін беру және орналастыру қағидаларын бекіту туралы» Қазақстан Республикасы Ғылым және жоғары білім министрінің міндетін атқарушысының 2024 жылғы 3 сәуірдегі № 141 бұйрығына өзгерістер енгізу көзделген.
Жоба мемлекеттік білім беру кредиттеу процесін жетілдіру мақсатында әзірленді. Жоба шеңберінде мемлекеттік білім беру тапсырысы негізінде оқытуға байланысты өздеріне жүктелген пысықтау міндетін орындаудан бас тартқан жас мамандардан түсетін қаражатты мемлекеттік білім беру кредиттерін орналастыруға жолдау ұсынылады. Бұл ретте, қарыз алушылар мемлекеттік білім беру кредиті бойынша берешекті белгіленген мерзімдерде толық өтегеннен кейін осы қаражатты білім беру саласындағы уәкілетті орган операторымен бюджетке аударуы көзделеді.
Сонымен қатар, үміткерлердің санатына қарай мемлекеттік білім беру кредитін берудің басым тәртібі айқындалады. Оқу үшін ішінара ақы төленетін грант иегерлерден басқа ақылы негізде жоғары және (немесе) жоғары оқу орнынан кейінгі білім беру ұйымына (бұдан әрі – ЖЖОКБҰ) оқуға түскен мемлекеттік білім беру кредитін беруге үміткерлер санаты көзделген. Сондай-ақ ЖЖОКБҰ-ның студенттермен тікелей байланысын ескере отырып, қарыз алушылармен кредиттік шарттар жасасуды қамтамасыз ету және оларды одан әрі сақтау бөлігінде ЖЖОКБҰ-ның қатысуы арқылы мемлекеттік білім беру кредиттерін беру процесін оңтайландыру ұсынылады.
Жобаның мәтінімен ашық нормативтік құқықтық актілердің интернет-порталында – www.legalacts.egov.kz танысуға болады.