«Ұжымдық пайдаланудағы ғылыми зертханалар туралы үлгі ережені бекіту туралы» Қазақстан Республикасы Ғылым және жоғары білім министрінің бұйрығының жобасына арналған баспасөз хабарламасы
Қазақстан Республикасы Ғылым және жоғары білім министрілі «Ұжымдық пайдаланудағы ғылыми зертханалар туралы үлгі ережені бекіту туралы» бұйрық жобасын (бұдан әрі – жоба) әзірледі .
Жоба «Ғылым және технологиялық саясат туралы» Қазақстан Республикасының Заңының 6-бабының 29-тармақшасына сәйкес әзірленді.
Жоба ұжымдық пайдалануға арналған ғылыми зертхананың қызметін реттеуді, зертхананы пайдаланушылардың жабдыққа қол жеткізуін, зертхананың мақсатын, бірінші кезектегі міндеттері мен функцияларын анықтауды қамтиды.
Бұйрық жобасы ашық нормативтік құқықтық актілердің интернет-порталында (https://legalacts.egov.kz/npa/view?id=15104154) 2024 жылғы 28 маусымда орналастырылған.
Жобаны қоғамдық талқылаудың соңғы мерзімі – 2024 жылдың 15 шілдесі.
Жобаны талқылауға барлық ниет білдірген азаматтар қатыса алады.