«Қазақстан Республикасы Президентінің «Мемлекеттік қызмет өткерудің кейбір мәселелері туралы» 2015 жылғы 29 желтоқсандағы № 152 Жарлығына өзгеріс мен толықтыру енгізу туралы» Жарлық жобасы «Қазақстан Республикасының мемлекеттік қызметі туралы» Заңына енгізілген өзгертулерді іске асыру мақсатында әзірленді.
Аталған түзетулер, сайланатын мемлекеттік лауазымдарға тағайындалған тұлғаларға ротациялауды өту талабын алып тастауды енгізумен байланысты.
Атап айтқанда, Жарлық жобасымен аудандық маңызы бар қалалардың, селолардың, кенттердің, селолық округтердің әкімдерін ротациялаудан босатуды бекіту ұсынылады.
Жарлық жобасының мәтінімен және оған қоса берілген өзге де материалдармен Агенттіктің интернет-ресурсында және «Ашық НҚА» интернет-порталында көпшілік талқылауына а.ж. 2 маусымда орналастырылған келесі сілтеме арқылы танысуға болады https://legalacts.egov.kz/npa/view?id=9162736 .