2025 жылы жоғары және жоғары оқу орнынан кейінгі білім беру ұйымдарында (ЖЖОКБҰ) ғылым және жоғары білім саласындағы заңнамасының сақталуына 50 мемлекеттік бақылау шаралары жүргізілді.
Оның ішінде:
4 профилактикалық бақылау;
5 біліктілік талаптарына сәйкестігіне тексеру;
14 жоспардан тыс тексерулер;
Әскери, арнаулы оқу орнында 2 мемлекеттік аттестаттау шарасы;
8 ЖЖОКБҰ-да прокуратура органдарының тексеруі (3 ЖЖОКБҰ, 5 ӘАОО)
1 ЖЖОКБ -ның білім беру қызметіне мониторинг жүргізілді
1 ЖЖОКБҰ-да Экономикалық тергеп-тексеру департаментінің тексерісі
15 ЖЖОКБҰ-да педагог кадрларды даярлау сапасына мониторинг жүргізілді.
Жүргізілген мемлекеттік бақылау шараларының нәтижелері бойынша ЖЖОКБҰ-ларға қатысты анықталған бұзушылықтарды жою туралы ұйғарымдар шығарылып әкімшілік жауапқа тартылды.
Атап айтқанда, Ақтөбе қаласындағы Қазақ-Орыс Халықаралық университетінің қызметі тоқтатылды. ЖЖОКБҰ Лицензиялардың мемлекеттік тізілімінен түпкілікті алып тасталынып, ағымдағы жылдың түлектері оқуын аяқтап, қалған білім алушылар басқа ЖЖОКБҰ -ларға ауыстырылды.
6 ЖЖОКБҰ-ның лицензиясы уақытша тоқтатылды.
Сондай-ақ, кадрларды даярлаудың тиісті бағыттары бойынша 9 лицензияға қосымша кері қайтарылды.
Мемлекет бюджетіне өндірілген әкімшілік салымдардың жалпы сомасы 6 015 960 теңгені құрады.
Жоғары және жоғары оқу орнынан кейінгі білім беру ұйымдарында педагог кадрларды даярлау сапасына мониторинг жүргізу 2026 жылы жалғасын табатын болады.
Осылайша, сапасыз білім беретін ЖОО-ларға қатысты шараларды қабылдау, білім беру қызметтерінің сапасын қамтамасыз ету жөніндегі жұмыс үздіксіз сипатқа ие және жүйелі негізде жүргізілетін болады.