Меню
Цифрландыру және байланыс бағыты ақпараттандыру саласындағы технологияларды дамытудың қазіргі заманғы деңгейін және мемлекеттік құпияларды және ақпараттық қауіпсіздікті техникалық қорғауды қамтамасыз етуді ескере отырып, ақпараттандыру саласында жұмыстарды ұйымдастыру, үйлестіру және ІІО-нында ақпараттандыру және байланыспен қамтамасыз ету мақсатында құрылған Ішкі істер министрлігінің дербес құрылымдық бөлінісі болып табылады.
Функциялары:
- Технологияларды дамытудың қазіргі заманғы деңгейін ескере отырып, ІІО-да ақпараттандыру, байланыс, ақпараттық қамтамасыз ету және ақпараттарды техникалық қорғау саласында бірыңғай саясатты қалыптастыру және жүзеге асыру.
- Ақпараттандыру, байланыс және ақпараттарды техникалық қорғау саласында ІІО-ның қызметін техникалық қамтамасыз ету
- Өз құзыреті шегінде құқықтық мемлекеттік статистиканы жетілдіру және ІІО-да ведомстволық статистикалық есепті қалыптастыру.
- ІІО-да Ұлттық мұрағаттық қор және мұрағат туралы заңнаманың негіздерінің орындалуына ұйымдастырушылық-әдістемелік басшылықты және бақылауды жүзеге асыру.
Оңалтуға жатпайтын адамдарға арналған қылмыстық істердің, сондай-ақ сот органдары ақтаған қуғын-сүргінге ұшыраған азаматтарға қатысты қылмыстық істердің мұрағат қоры, Ұлы Отан соғысының бұрынғы әскери тұтқындарының және Германиядан оралған Қазақ КСР азаматтарының материалдары 2022 жылы Қазақстан Республикасы Президентінің мұрағатына сақтауға берілді: Астана қаласы, Мәңгілік Ел көшесі, 15
Осыны ескере отырып, Сіздің туыстарыңызға қатысты мұрағаттық мәліметтерді растау мүмкін емес.