Су тасқынынан зардап шеккендерге қосымша өтемақы төленеді

Қазақстан Премьер-министрі Олжас Бектенов су тасқынынан зардап шеккендерге бірінші кезекте қажетті заттарды сатып алу үшін қосымша өтемақы төленетінін айтты.

 Оның айтуынша, барлық проблемалық мәселелер жедел қаралып, шешімдер сол жерде қабылданады.

"Өткен аптадан бастап залалды өтеу жұмыстары басталды. Кеше мен зардап шеккендерге келтірілген залалды өтеу ережелеріне түзетулерді бекіткен қаулыға қол қойдым. Қазіргі уақытта 11 мыңға жуық отбасы 100 АЕК мөлшерінде төлем алды. Бұл үлкен жұмыстың бастамасы ғана. Сонымен қатар, біз 150 АЕК-ке дейін төлейміз, оған адамдар жоғалған қажетті заттарды сатып ала алады. Мысалы, Тоңазытқыш, үстелдер, орындықтар, ыдыс ― аяқ пен киім", - деді премьер-министр. 

Олжас Бектенов ешкім көмексіз қалмайтынын атап өтті. 

"Бұл мәселелердің барлығы Президенттің және менің жеке бақылауымда", ― деді Үкімет басшысы.