Мырзалы Серікжан Қуанышбекұлы
Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті төрағасының бірінші орынбасары
Жалпы ақпарат, білімі
Туған жылы: 3 қаңтар 1979 жыл
Білімі, мамандығы (біліктілігі), лицензиясы:
Қазақстан Республикасы Ішкі істер министрлігінің Б.Бейсенов атындағы Қарағанды академиясы, Қазтұтынуодағы Қарағанды экономикалық университеті (құқықтану)
Мансап
Серікжан Мырзалы еңбек жолын 1999 жылы Павлодар қаласының аудандық ішкі істер бөлімінің тергеушісі болып бастады;
Кейіннен Павлодар облысы ІІД тергеу қызметінің тергеушісі, Павлодар қаласы ІІБ Оңтүстік ПБ тергеу бөлімі бастығының орынбасары лауазымдарын атқарды;
Әр жылдары Павлодар, Оңтүстік Қазақстан облыстары, Астана қаласының прокуратура органдарында, қаржы полициясы және сыбайлас жемқорлыққа қарсы қызметінің орталық аппаратында, сондай-ақ Оңтүстік Қазақстан және Атырау облыстарында басшылық лауазымдарында болды;
Қазақстан Республикасы Бас Прокурорының көмекшісі, Бас прокуратураның орталық аппаратының құрылымдық бөлімдерінің басшысы болды. Өскемен қаласының прокуроры, Қостанай облысы прокурорының орынбасары болған;
Сыбайлас жемқорлыққа қарсы іс-қимыл агенттігінің Қостанай және Қызылорда облыстары бойынша департаменттерін басқарды, ҚР Ішкі істер министрлігінің Штаб-департаментті бастығының орынбасары қызметін атқарды;
2024-2026жж. Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Ақмола облысы бойынша департаментінің бастығы;
2026 жылғы маусымда Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті төрағасының бірінші орынбасары болып тағайындалды.