Жер учаскелерін қалыптастыру бойынша жерге орналастыру жобаларын қайда және қалай бекітуге болады

Жерге орналастыру жобасы жерге меншік немесе пайдалану құқығын ресімдеу кезінде әзірленетін жерге орналастыру құжаттамасы болып табылады:

- жердің нысаналы мақсатын өзгерту;

- жер учаскелерін жалға беру;

- жер учаскелерін тегін жекешелендіру;

- жер учаскесін сатуға дайындау;

- учаскенің шекараларын белгілеу және өзгерту;

- қала құрылысы қажеттіліктері үшін аумақты абаттандыру және т. б.

Құжат қайта құруды, рұқсат етілген пайдалануды, жерді ұтымды пайдалануды, табиғатты қорғауды ескере отырып, аумақты жоспарлы Өзгертуді сипаттайды, бөлудің техникалық, экономикалық сипаттамаларын қамтиды.

Жерге орналастыру жобалары жер учаскесіне құқық алуға үміткер өтініш берушінің есебінен дайындалады.

Осы жобалар әзірленгеннен кейін олар жергілікті атқарушы органның мемлекеттік мекемелерінде бекітілуге тиіс. Жобаларды бекітумен  «Солтүстік Қазақстан облысы Жамбыл ауданы әкімдігінің жер қатынастары бөлімі» КММ  «Жер учаскелерін қалыптастыру жөніндегі жерге орналастыру жобаларын бекіту»мемлекеттік көрсетілетін қызмет қағидалары негізінде айналысады.

Осы мемлекеттік қызметті алу үшін жеке және заңды тұлғалар портал арқылы Қазақстан Республикасы Ауыл шаруашылығы министрінің                                    2020 жылғы 1 қазандағы № 301 бұйрығымен бекітілген нысан бойынша жер учаскелерін қалыптастыру жөніндегі жерге орналастыру жобасын бекітуге өтінішті көрсетілетін қызметті алушының ЭЦҚ  куәландырылған электрондық құжат нысанында толтыруы және электрондық жерге орналастыру жобасын қоса беруі қажет.

«Жер учаскелерін қалыптастыру бойынша жерге орналастыру жобаларын бекіту» қызметін онлайн қалай алуға болады (www.elicense.kz(«электрондық лицензиялау»  порталында):

1. Жүйеге кіру немесе «Электрондық лицензиялау»  порталында тіркелу.

2. 
   Қызмет паспортында құжаттар топтамасымен танысып, «Қызметке онлайн тапсырыс беру» батырмасы бойынша өту немесе қызметтің қажетті кіші түрін таңдап, «Келесі» батырмасы бойынша өту қажет.
3. 
   Қажетті деректерді көрсетіңіз, өтініш толтырыңыз және ЭЦҚ-мен қол қойыңыз.
4. 
   Берілген өтініштің мәртебесін Жеке кабинетте «Менің өтініштерім» бөлімінде бақылауға болады. Рұқсат алу туралы «Менің рұқсат беру құжаттарым» бөлімінен, хабарлама алу туралы «Менің хабарламаларым» бөлімінен көре  аласыз.
   
   Құжаттардың толық топтамасын ұсынған кезде «Солтүстік Қазақстан облысы Жамбыл ауданы әкімдігінің жер қатынастары бөлімі»  КММ 4 (төрт) жұмыс күні ішінде мемлекеттік қызмет көрсету нәтижесін дайындайды және жолдайды.

Мемлекеттік қызметті көрсету нәтижесі жер учаскесін қалыптастыру жөніндегі жерге орналастыру жобасын бекіту туралы бұйрық немесе мемлекеттік қызметті көрсетуден бас тарту туралы дәлелді жауап болып табылады.

Мемлекеттік қызмет көрсетуден бас тартуға негіз болып табылады:

1)  көрсетілетін қызметті алушы мемлекеттік қызметті алу үшін ұсынған құжаттардың және (немесе) олардағы деректердің (мәліметтердің) анық тығын анықтау;

2)  көрсетілетін қызметті алушының және (немесе) мемлекеттік қызметті көрсету үшін қажетті ұсынылған материалдардың, деректер мен мәліметтердің Қазақстан Республикасы Жер Кодексінің 151-бабының                                                 4-тармағында белгіленген талаптарға сәйкес келмеуі.

Қосымша ақпаратты Солтүстік Қазақстан облысы Жамбыл ауданы, Пресновка ауылы, Дружба көшесі, 6 мекенжайында орналасқан «Солтүстік Қазақстан облысы Жамбыл ауданы әкімдігінің жер қатынастары бөлімі» КММ,  Facebook және Instagram әлеуметтік желілерінде байланыс телефоны 8(71544) 21848  арқылы алуға болады.

Бөлімнің бас маманы                                          Ж. Дүйсенбекова