«Тәуелсіз Қазақстан: Тарих және қазіргі заман» атты қалалық цифрлық постерлер байқауы

ҚР Тәуелсіздік күніне орайластырылған іс-шаралар жоспары аясында 2023 жылғы 6 желтоқсанда ҚР Тәуелсіздік күніне арналған 10-сынып оқушылары арасында «Тәуелсіз Қазақстан: Тарих және қазіргі заман» атты қалалық цифрлық постерлер байқауы (digital poster) өтеді.

Байқауды ұйымдастырушы: ШҚО ББ «Өскемен қаласы бойынша білім бөлімі» ММ.

Байқаудың мақсаты: ІТ-құзыреттерді іске асыру арқылы оқушыларда белсенді азаматтық ұстанымды қалыптастыру.

Әсері: оқушыларда Отанға деген сүйіспеншілікті, ел тарихына танымдық қызығушылықты, оған жауапкершілікпен қарауды, патриотизм сезімін қалыптастыру. Байқауға қатысушылар ІТ-дағдыларды іске асыру арқылы Тәуелсіз заманауи Қазақстанның қалыптасу тарихы туралы білімдерін арттырады.

Байқауға қатысушылар: қала мектептерінің 10-сынып оқушылары.

Өтетін орны: Өскемен қаласының «№35 орта мектебі» КММ.

Қатысушыларды қамту: 100 адам.