Қазақстанда кемсітушілікке жол бермеу және тұрмыстық зорлық-зомбылықпен күресу бойынша жүйелі жұмыс жүргізілуде
Қазақстан Республикасындағы Адам құқықтары жөніндегі уәкіл Артур Ластаев Бала құқықтары жөніндегі уәкіл Д.Б.Закиеваның шақыруымен «Заңнамалық өзгерістер және қоғамда зорлық-зомбылыққа жол бермеу мәдениетін қалыптастыру» атты дөңгелек үстелге қатысты.
Ол өз сөзінде Балалар омбудсменінің бастамаларын қолдайтынын айтып, адам құқықтарын, кемсітушілікке жол бермеу, сөз бостандығын және әрбір адамның өзін-өзі дамытуын ілгерілету бойынша ұлттық құқық қорғау институтының қабылдап жатқан шаралары туралы атап өтті. Олардың нәтижесі зорлық-зомбылыққа қарсы заңнама мен тәжірибені жетілдіру бойынша ортақ күш-жігерді біріктіру, нақты бастамалар, қоғамда отбасы институтының жан-жақты дамуына, қоғамдық қауіпсіздік пен ілгерілеуде тұрмыстық зорлық-зомбылықтың зардабы мен нақты қаупі туралы түсінікті қалыптастыру болды.
Артур Ермекұлы дөңгелек үстелге қатысушылардың назарын Президент Қасым-Жомарт Тоқаевтың «Егемен Қазақстан» газетіне жуырда берген сұхбатына аударды, онда жоғары құндылықтар – адам, оның өмірі, денсаулығы мен адалдығы, сондай-ақ тұрмыстық зорлық-зомбылық үшін жауапкершілікті күшейту бастамалары сөз болған.
Адам құқықтары жөніндегі уәкіл атап өткендей, бұл биліктің әйелдердің, балалардың, қарттардың және қоғамның мұқтаж басқа да мүшелерінің құқықтарына кез келген шабуылды жоюға деген дәйекті саясаты мен ұмтылысын көрсететін маңызды оң сигнал ретінде қабылданды.
Бір ай бұрын, 2023 жылғы 8 желтоқсанда Мемлекет басшысы тұрмыстық зорлық-зомбылық пен әйелдерге қатысты кемсітушілікке қарсы іс-қимыл жөніндегі шаралардың тұтас кешенін қамтитын адам құқықтары мен заңдылықты қамтамасыз ету саласындағы жоспарды бекітті. Атап айтқанда, бұл әлеуметтік-психологиялық түзету тәжірибесін енгізу, дағдарыс орталықтарының санын көбейту, зорлық-зомбылықтың алдын алудың мақсатты индикаторларын жасау және отбасылық-тұрмыстық саладағы қылмыстар үшін жауапкершілікті қатайтуды көздейді.
Бұл шараларды іске асыру тұрмыстық зорлық-зомбылық көріністеріне төзбеушілік ахуалын, қоғамда адам құқықтары мен отбасы институтына лайықты, құрметпен қарау мәдениетін қалыптастыруда айтарлықтай ілгерілеуге ықпал ететіні сөзсіз.