«Қазақстан Республикасы мен ТМД елдерінің пенитенциарлық жүйесі халықаралық құқық призмасы арқылы: стандарттардан практикаға» атты монография жарияланды

Ұлттық құқық қорғау институты «Қазақстан Республикасы мен ТМД елдерінің пенитенциарлық жүйесі халықаралық құқық призмасы арқылы: стандарттардан практикаға» атты монографияны шығарды.

Монографияны Қазақстан Республикасындағы Адам құқықтары жөніндегі уәкіл Артур Ластаевтың жалпы редакциясымен сарапшылар бірлесіп дайындады.

Монографияның авторлары: з.ғ.к. Р.Н. Мамырбаев, м.ғ.д. Л.М. Ақтаева, философия докторы (PhD) А.Ж. Сыздықов, Адам құқықтары жөніндегі ұлттық орталықтың басқа да қызметкерлері.

Рецензенттер ретінде белгілі ғалымдар: з.ғ.д., профессор А.Н. Ақпанов, философия докторы (PhD) Е.Н. Байгундинов және з.ғ.д., профессор И.Ш. Борчашвили болды.

Басылым Қазақстан мен ТМД елдерінің пенитенциарлық жүйесінің қазіргі жай-күйін кешенді зерттеу болып табылады, онда негізгі үрдістерге, институционалдық өзгерістер мен қазіргі сын-тегеуріндерге талдау жасалды. Осы жұмыста едәуір нормативтік, статистикалық және талдамалық материалдар жинақталды, сондай-ақ жазаларды орындау саласындағы халықаралық стандарттар мен шетелдік тәжірибе зерделенді.

Монографияда ұстау жағдайлары, жүгіну стандарттары, азаптау мен қатыгез қарым-қатынастың алдын алу, сотталғандардың медицинаға қол жетімділігі мәселелері қамтылады. Авторлар құқықтық тетіктерді салыстырмалы талдауға, бас бостандығынан айырудың балама жазаларының тиімділігіне, сондай-ақ қылмыстық саясатты ізгілендіру практикасына ерекше назар аударды.

Монография заң шығарушыларға, мемлекеттік және құқық қорғау органдарының қызметкерлеріне, құқық қорғаушыларға, ҮЕҰ-ға, оқытушылар мен студенттерге арналған.