«Қазақстан Республикасындағы Адам құқықтары жөніндегі уәкіл туралы» Конституциялық заңның 8-бабына сәйкес, Қазақстан Республикасында адамның және азаматтың құқықтары мен бостандықтарының сақталуының жекелеген мәселелері бойынша Адам құқықтары жөніндегі уәкіл арнайы баяндамалар дайындап, тарата алады.
Арнайы баяндамалар адам құқықтары мен бостандықтарын сақтаудың өзекті мәселелеріне арналған. Олар мониторинг жүргізу, заңнаманы және құқық қолдану практикасын талдау, азаматтардың өтініштерін қарау, сондай-ақ жекелеген салалардағы жүйелі проблемаларды зерделеу нәтижелері бойынша дайындалады.