СҚО полицейлері жекеменшік үйден 200 литрден астам заңсыз алкоголь тәркіледі
Заңсыз алкоголь – көптеген қылмыстар мен құқық бұзушылықтарға себеп болып жатады. Мысалы, СҚО-ның Есіл ауданында қаңтар айында алкогольдің әсерінен жасалған ұрлық тіркелді. Аудандық полиция бөлімінің қызметкерлері алкогольге қарсы заңнаманы бұзудың алдын алу бойынша жұмыстарды жүйелі түрде жүргізіп келеді. Аудан орталығы Явленка ауылында учаскелік инспектор құрамында спирт бар ішімдіктерді заңсыз сату фактісін анықтады. Жекеменшік жер үйден бес литрлік 43 пластикалық бөтелкелер мен басқа да ыдыстар тәркіленді. Жалпы мөлшері лицензиясыз 219 литр алкоголь алынды. Заңсыз алкогольдің иесі болып табылатын 40 жастағы тұрғынға қатысты ҚР Әкімшілік құқық бұзушылық туралы кодексінің 463-бабы бойынша материал жиналды.
«Тәуліктің кез келген уақытында заңсыз сатылатын мұндай өнімдер заң бұзушылықтарға алып келуі, тіпті тұтынушылардың денсаулығына қауіп төндіруі мүмкін», - дейді Есіл ауданы ПБ бастығы полиция подполковнигі Ерлік Есләмбеков. — Жүргізіліп жатқан жұмыстың нәтижесі – қылмыстың төмендеуіне қол жеткізу. Қаңтар айында ол 28,6 %-ды құрады. Өткен жылы 7 факті орын алса, биыл 5 факті тіркелді».
#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia