СҚО жолдарында төрт күнде 13 мас жүргізуші ұсталды

Төрт күнде Солтүстік Қазақстан облысының жолдарында полицейлер он үш мас жүргізушіні ұстады. 16 желтоқсаннан бастап өңірде он күндік «Мас жүргізуші» жедел-профилактикалық іс-шарасы өтуде.

«Іс-шараға 400-ге учаскелік полиция инспекторлары, патрульдік полиция қызметкерлері және тағы да басқа қызметкерлер жұмылдырылды. Міндет – жол жүрісі қағидаларының өрескел бұзушылықтарының жолын кесу, сондай-ақ автокөлікті мас күйде басқаратын жүргізушілерді анықтау. Профилактикалық рейдтер тәулік бойы жүргізіледі», - дейді СҚО ПД Жергілікті полиция қызметі басқармасының бастығы полиция полковнигі Айдын Байматов.

Жүргізілген жұмыстардың нәтижесінде төрт күнде жол жүрісі қағидаларының түрлі 1023 бұзушылығы анықталды. Қауіпсіздік белдіктерін пайдаланбаудың – 109 және көлік тізгінінде телефондарды пайдаланудың 89 фактісінен бөлек, бұл күндері жылдамдықты асырғаны үшін – 72, құжатсыз көлік құралдарын басқарғаны үшін – 65, сондай-ақ техникалық байқаудан өтпеген автокөлікті басқаруғаны үшін – 32 жүргізуші әкімшілік жауапкершілікке тартылды. Сонымен қатар, жаяу жүргіншілер тарапынан жол қозғалысы ережелерін бұзудың 99 дерегі анықталды.

Осы жылдың 11 айында СҚО-да мас жүргізушілердің кінәсінен 26 жол-көлік оқиғасы тіркеліп, соның салдарынан 6 адам қаза тапты, 27 адам жарақаттар алды.

#ҚРІІМ #МВДРК #QRIIM #MVDRK #Polisia #Полиция #Police #SQOPD #SQO_PD #СҚО_ПД #ДПСКО #СҚО_полицейлері #полицейские_СКО