Ақтау қалалық Полиция басқармасы кәмелетке толмағандардың қатысуымен болатын жол-көлік оқиғаларының санын азайту мақсатында жүргізушілерді жолда сақ болуға шақыратын билбордтар орнатты. Бұл туралы Маңғыстау облысы Полиция департаменті баспасөз қызметі хабарлады.
- Жүргізушілер атқарылып жатқан кешенді шараларға қарамастан, әлі де балалардың қатысуымен болатын жол-көлік оқиғаларын тудырады. Кейбір оқиғалар қайғылы аяқталады. Осы жылдың қаңтар айында 27 шағын ауданда жүк көлігінің жүргізушісі жеті жасар баланы қағып кеткен. Көптеген жағдайларда жол-көлік оқиғасына жолды дұрыс өтуді үйретпеген кішкентай жаяу жүргіншілердің ата-аналары кінәлі. Бірақ жүргізушілер көлік – жоғары қауіптілік көзі екенін есте сактап мұқият болғаны жөн, - дейді Ақтау қалалық ПБ-нің Әкімшілік полиция бөлімінің аға инспекторы Ян Садыкин.