Атамекен ауылының тұрғынынан 2 келіден астам есірткі тәркіленді

Қаңтар айында облыстық ПД ЕҚҚІҚ қызметкерлері жедел–іздестіру іс-шараларын жүргізу барысында Мұнайлы ауданына қарасты Атамекен ауылының тұрғынан есірткі тәркілеген, - деп хабарлайды mangystaumedia.kz сайты МО Полиция Департаментіне сілтеме жасап. 46 жастағы азаматтың тұратын мекен-жайы бойынша үй мен учаскені тінту кезінде 2 келіден астам "марихуана" есірткі заты бар алты пакет табылған. ПД-нің ақпаратына сәйкес, аталған факті бойынша ҚР ҚК-нің "аса ірі көлемде есірткі құралдарын заңсыз сатып алу және сақтау" бабы бойынша сотқа дейінгі тергеу басталған. Жыл басынан бері Маңғыстау облысы Полиция департаментінің Есірткі қылмысына қарсы іс-қимыл басқармасының қызметкерлері 70 есірткі қылмысын анықтаған. Оның ішінде аса iрi мөлшердегі есірткі заттарды өткізу, тасымалдау, дайындау және заңсыз сақтаумен байланысты 17 ауыр және аса ауыр санаттағы қылмыс бар. Сонымен қатар, өткізу мақсатынсыз есірткіні заңсыз сақтаумен байланысты 50 қылмыстық іс анықталға. Заңсыз айналымнан 5 келіге жуық марихуана, героин және синтетикалық "мефедрон" секілді есірткісі заттары тәркіленген. Облыстық ПД және жергілікті полиция қызметі есірткі құралдарын және олардың аналогтарын жарнамалаумен және сатумен айналысатын 24 сайтты жойған.
https://mangystaumedia.kz/kk/zhanalyktar/mangystau-zhanalyktary/99798