Қарағандыда "оңай олжа" іздеген жігіт телефон ұрлығы үшін ұсталды

Қарағанды қаласының сауда орталықтарының бірінде орын алған ұялы телефон ұрлығының ізі суымай ашылды. Орталық полиция бөлімінің қызметкерлері 26 жастағы жергілікті тұрғынды күдікті ретінде ұстады. Ол бутиктен смартфонды жасырын түрде иемденген деп айыпталуда. Тергеу барысында 37 жастағы жәбірленуші гаджетінің құнын 77 мың теңгеге бағалады. Ал күдіктінің өзі оңай табыс табу ниетімен, сөренің үстінде қараусыз жатқан құрылғыны байқағанын және сатушының назары басқа жаққа ауған сәтте телефонын қалтасына басып үлгергенін мойындады. Ұрланған мүліктің ізін жасыру мақсатында ол оны ломбардқа өткізбек болған. Алайда сауда орталығына орнатылған бейнебақылау камералары қылмыстың әр сәтін анық жазып алып, күдіктіні тез арада анықтауға мүмкіндік берді. Сонымен қатар, сұрақ-жауап барысында ұсталған азамат басқа сауда үйінде де сағат ұрлағанын мойындады. Аталған фактілер бойынша ҚР Қылмыстық кодексінің 188-бабы (ұрлық) бойынша сотқа дейінгі тергеу амалдары жүргізілуде.