Қазақстан аумағында заңсыз жүрген 7 шетелдік азамат Қарағанды облысында ұсталды

Қазақстан аумағында заңсыз жүрген 7 шетелдік азамат Қарағанды облысында ұсталды.
Қарағанды облысы, Бұқар жырау ауданына қарасты ауылдардың бірінде полиция қызметкерлерімен жүргізілген іс-шаралар барысында Қазақстан аумағында заңсыз жүрген 7 Өзбекстан Республикасының азаматы анықталды. Олардың барлығы ауылдардың біріндегі жылыжайда жұмыс істеген. Шетелдіктер Қазақстан аумағына кіру бойынша Қазақстан Республикасының заңнамасын бұзғаны үшін жауапкершілікке тартылды. Қазіргі уақытта оларды елден шығару сұрақтары қарастырылуда. Сонымен қатар шетелдіктерді заңсыз жұмысқа тартқаны үшін оларға жұмыс беруші де әкімшілік жауапкершілікке тартылды.