Қарағанды полиция қызметкерлері сауда үйінен балалар заттарының ұрлану фактісін анықтады
Қарағандыда полиция әлеуметтік желілерді бақылау кезінде анықтаған ұрлыққа күдікті ұсталды, деп хабарлайды Polisia.kz. Өткен жылдың 29 желтоқсанында Қарағанды қаласының ПБ Жаңа-Майқұдық полиция бөлімінің қызметкерлері әлеуметтік желілерді бақылау кезінде мобильді қосымша парағында орналастырылған бейнероликке назар аударды. Ол қаладағы сауда үйлерінің бірінде балалар заттарын ұрлаған адамды жазып алған. Полиция жәбірленуші - 58 жастағы кәсіпкерді анықтады, ол оған келтірілген шығынды 15 мың теңгеге бағалады. 25 қаңтарда жедел-іздестіру шаралары барысында криминалдық полиция қызметкерлері күдікті - 47 жастағы ер адамды ұстады. Ол кінәсін мойындады. ҚР ҚК-нің 188-бабы «Ұрлық» бойынша қылмыстық іс қозғалды. Қазір тергеу амалдары жүргізіліп жатыр.