Қарағанды қаласының тұрғыны құны жарты миллион теңгенің косметикасын ұрлады
Қарағанды қаласының тұрғыны жарты миллион теңгенің косметикасын ұрлады, деп хабарлайды Polisia.kz. 24 қарашада Қарағанды қалалық ПБ Жаңа-Майқұдық полиция бөліміне қаланың 51 жастағы тұрғынынан арыз түсті. Ол өзінің пәтерінде белгісіз біреудің косметикалық өнімдерді ұрлап кеткенін түсіндірді. Шығын шамамен 500 мың теңгені құрады. Аталған факт бойынша ҚР Қылмыстық кодексінің 188-бабы «Ұрлық» бойынша қылмыстық іс қозғалды. 27 қарашада жедел-іздестіру іс-шаралары барысында криминалдық полиция қызметкерлері күдіктіні - мойындаған 23 жастағы қызды ұстады. Одан заттай айғақтар алынды.