Абай облысында екі күн ішінде «Заңсыз келуші» ЖПІШ нәтижесінде 9 шетелдік азамат елден шығарылды
Абай облысында екі күн ішінде «Заңсыз келуші» ЖПІШ нәтижесінде 9 шетелдік азамат елден шығарылды.
2024 жылдың 14-18 қазан аралығында Абай облысы аумағында «Заңсыз келуші» жедел-профилактикалық іс-шарасы өтуде. Бұл іс-шараның негізгі мақсаты – Қазақстанда заңсыз жүрген немесе еңбек қызметін рұқсатсыз жүзеге асырып жүрген шетелдік азаматтарды анықтау.
Курчатов қаласының полиция бөліміне қарасты көші-қон қызметі өткізген шараның алғашқы екі күнінде 7 шетелдік азамат анықталып, елден шығарылды. Бұл азаматтар Қазақстан Республикасының аумағында заңсыз еңбек қызметімен айналысқан. Тексеру нәтижесінде заңнаманы бұзған жұмыс берушіге 184 600 теңге айыппұл салынды.
Еңбек заңнамасын бұзу фактілерінен басқа, құжаттары мерзімі өтіп кеткен екі шетелдік азамат Қазақстан Республикасы аумағында шығарылды. Көші-қон қызметі шетелдік азаматтардың елде болу мерзімдерін, сондай-ақ қажетті құжаттардың дұрыс рәсімделуін қадағалауға ерекше назар аударады.
Көші-қон қызметі шетел азаматтарының еңбек қызметін рұқсат алмай жүзеге асыруы заң бұзушылық екенін еске салады. Қазақстанда уақытша жүрген барлық шетелдіктер жұмыс істеуге рұқсат алу үшін уәкілетті органдарға жүгінуі тиіс. Сонымен қатар, елде болуға байланысты құжаттардың жарамдылық мерзімдерін бақылау қажет, бұлай жасалмаған жағдайда санкциялар қолданылады.
«Заңсыз келуші» жедел-профилактикалық іс-шарасы Қазақстан Республикасында көші-қон заңнамасының сақталу деңгейін арттыруға бағытталған. Мұндай іс-шаралар ел аумағында заңдылық пен қауіпсіздікті қамтамасыз ету үшін тұрақты түрде өткізіліп тұрады.
Көші-қон қызметі жұмыс берушілермен де белсенді жұмыс жүргізіп, заң талаптарын сақтаудың маңыздылығын түсіндіруде. Әрбір жұмыс беруші мен шетелдік қызметкер өз жауапкершілігін түсініп, құқықтық нормалар шеңберінде әрекет етуі маңызды.
Жұмысқа рұқсат алу және белгіленген ережелер мен талаптарды сақтау уақтылы жүзеге асырылса, Қазақстан аумағында құқық тәртібі мен тұрақтылықты сақтауға ықпал етеді.
https://www.instagram.com/abai_department_police/p/DBL8ukENhht/