Қазақстан Республикасының Бас прокуратурасымен, Сауда және интеграция министрлігімен бірлескен жұмыс шеңберінде 2025 жылғы 4 тамызда Сауда және интеграция вице-министрі А.И. Нүсіповтың төрағалығымен электрондық сауда саласындағы кибералаяқтыққа қарсы іс-қимыл мәселелері бойынша кеңес өткізілді.
Кеңеске мемлекеттік органдардың (БП, ІІМ, ЦДИАӨМ), ірі онлайн-платформалардың (маркетплейстердің) және салалық бірлестіктердің өкілдері қатысты. Кеңес барысында e-commerce саласындағы өзекті сын-қатерлер, оның ішінде электрондық сауда туралы заңнаманы жетілдіру, тұтынушылардың құқықтарын қорғау шараларын күшейту және интернет-алаңдардың жауапкершілігі, сондай-ақ кибералаяқтыққа қарсы күрес үшін антифрод жүйелерін енгізу мәселелері талқыланды.
Электрондық сауда саласында ашықтықты, сенімді және орнықты өсуді қамтамасыз ету үшін мемлекеттік пен бизнес арасында тиімді өзара іс-қимыл орнату қажеттігіне ерекше назар аударылды.
Кеңес қорытындысы бойынша уәкілетті мемлекеттік органдарға бірқатар нақты тапсырмалар берілді, оның ішінде онлайн-платформаларда кибералаяқтыққа қарсы іс-қимыл бойынша
іс-шаралар жоспарын әзірлеу тапсырылды.
Министрлік нарық қатысушыларымен ашық диалог жүргізуге дайындығын білдіріп, Қазақстанда қауіпсіз әрі бәсекеге қабілетті цифрлық сауда ортасын қалыптастыруды негізгі басымдықтардың бірі ретінде белгіледі.