"Бірыңғай тізбеге енгізілмеген, сондай-ақ Бірыңғай тізбеге енгізілген, бірақ өзіне қатысты техникалық регламенттер қабылданбаған немесе қолданысқа енгізілмеген өнімді айналысқа шығару қағидаларын, сондай-ақ өзіне қатысты жалпы қауіпсіздік туралы декларация қабылданатын өнім тізбесін, жалпы қауіпсіздік туралы декларацияның нысанын бекіту туралы" Қазақстан Республикасы Сауда және интеграция министрінің бұйрық жобасы

ЖОБА

 

 

Бірыңғай тізбеге енгізілмеген, сондай-ақ Бірыңғай тізбеге енгізілген, бірақ өзіне қатысты техникалық регламенттер қабылданбаған немесе қолданысқа енгізілмеген өнімді айналысқа шығару қағидаларын, сондай-ақ өзіне қатысты жалпы қауіпсіздік туралы декларация қабылданатын өнім тізбесін, жалпы қауіпсіздік туралы декларацияның нысанын бекіту туралы

 

 2020 жылғы 30 желтоқсандағы «Техникалық реттеу туралы» Қазақстан Республикасы Заңының 7-бабы 2-тармағының 4) тармақшасына сәйкес БҰЙЫРАМЫН:

  1. Осымен:

1) осы бұйрыққа 1-қосымшаға сәйкес Бірыңғай тізбеге енгізілмеген, сондай-ақ Бірыңғай тізбеге енгізілген, бірақ өзіне қатысты техникалық регламенттер қабылданбаған немесе қолданысқа енгізілмеген өнімді айналысқа шығаруқағидалары;

2) осы бұйрыққа 2-қосымшаға сәйкес өзіне қатысты жалпы қауіпсіздік туралы декларация қабылданатын өнім тізбесі;

3) осы бұйрыққа 3-қосымшаға сәйкес жалпы қауіпсіздік туралы декларацияның нысаны бекітілсін.

  1. Қазақстан Республикасы Сауда және интеграция министрлігінің Техникалық реттеу және метрология комитеті заңнамада белгіленген тәртіппен:

1) Қазақстан Республикасының Әділет министрлігіне осы бұйрықтың мемлекеттік тіркелуін;

2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.

  1. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.
  2. Осы бұйрық 2021 жылғы 1 шілдеден бастап қолданысқа енгізіледі және ресми жариялануға тиіс.

 

Лауазымы                                                        Аты-жөні

 

 

Қазақстан Республикасы

Сауда және интеграция министрінің

2021жылғы «__» _____ №____бұйрығына

1 - қосымша

 

 

Бірыңғайтізбегеенгізілмеген, сондай-ақБірыңғайтізбегеенгізілген, бірақөзінеқатыстытехникалықрегламенттерқабылданбағаннемесеқолданысқаенгізілмегенөнімдіайналысқашығаруқағидалары

 

 

1 тарау. Жалпы ережелер

 

  1. Осы Бірыңғай тізбеге енгізілмеген, сондай-ақ Бірыңғай тізбеге енгізілген, бірақ өзіне қатысты техникалық регламенттер қабылданбаған немесе қолданысқа енгізілмеген өнімді айналысқа шығару қағидалары(бұдан әрі-Қағида)2020 жылғы 30 желтоқсандағы «Техникалық реттеу туралы» Қазақстан Республикасының Заңына сәйкес әзірленді және өнімді айналысқа шығару тәртібін айқындайды.
  2. Осы Ережеде қолданылатын негізгі ұғымдар:

1) жалпы қауіпсіздік туралы декларация – дайындаушы, дайындаушы уәкілеттік берген тұлға, импорттаушы, сатушы Кеден одағы Комиссиясының шешімімен бекітілген Кеден одағы шеңберінде міндетті талаптар белгіленетін Өнімдердің бірыңғай тізбесіне (бұдан әрі – Бірыңғай тізбе) енгізілмеген өнімге, сондай-ақ Бірыңғай тізбеге енгізілген, бірақ оған қатысты техникалық регламенттер қабылданбаған немесе қолданысқа енгізілмеген өнімге қатысты ерікті түрде қабылдайтын құжат;

2) өнім айналысы – өтеусіз немесе өтеулі негізде коммерциялық қызмет барысында мүше мемлекеттердің аумағында тарату мақсатында өнімді жеткізгеннен кейін немесе әкелгеннен кейін (оның ішінде дайындаушының қоймасынан жөнелткеннен кейін немесе қоймаға орналастырмай тиеп жібергеннен кейін) оның дайындаушыдан сатып алушыға (тұтынушыға) оның өту процестері;

3) өнімді айналысқа шығару – кәсіпкерлік қызметті жүзеге асыру кезінде Қазақстан Республикасының аумағында тарату мақсатында өнімді беру (өткізу) немесе әкелу (оның ішінде дайындаушының қоймасынан жөнелту немесе жинап қоймай тиеп жөнелту);

4) дайындаушы уәкілеттік берген тұлға – Қазақстан Республикасының немесе Еуразиялық экономикалық одаққа мүше мемлекеттің заңнамасына сәйкес тіркелген, дайындаушымен, оның ішінде шетелдік дайындаушымен шарт негізінде Қазақстан Республикасының аумағында өнімнің сәйкестігін бағалау және оны айналысқа шығару кезінде осы дайындаушының атынан әрекеттерді жүзеге асыратын заңды тұлға немесе дара кәсіпкер ретінде тіркелген жеке тұлға.

Осы Қағидаларда пайдаланылатын өзге де ұғымдар «Техникалық реттеу туралы» Қазақстан Республикасының Заңында айқындалған мәндерде қолданылады.

 

 

2 тарау. Өнімді айналысқа шығару тәртібі

 

  1. Техникалық регламенттер қабылданбаған немесе күшіне енбеген бірыңғай тізбеге енгізілген өнімнің қауіпсіздігін қамтамасыз ету мақсатында дайындаушы (дайындаушы уәкілеттік берген тұлға) өнімді айналысқа шығару кезінде жалпы қауіпсіздік туралы декларациясын осы бұйрықтың 3-қосымшасына сәйкес нысан бойынша толтырады.

         4.Жалпы қауіпсіздік туралы декларациясын дайындаушы, дайындаушы уәкілеттік берген тұлға, импорттаушы, сатушы ерікті түрде қабылдайды және декларацияны қабылдаған тұлғадан алынған хабарлама негізінде техникалық реттеудің ақпараттық жүйесінде енгізіледі.

  1. Қолданылуы айналысқа шығарылатын өнімге қолданылатын ұлттық стандарттарды ерікті түрде қолдану өнімнің жалпы қауіпсіздігін қамтамасыз ету үшін жеткілікті шарт болып табылады.
  2. Жалпы қауіпсіздік туралы Декларация ұлттық стандарттарды және (немесе) стандарттау жөніндегі басқа да құжаттарды қолдану және (немесе) техникалық құжаттаманы пайдалану нәтижесінде алынған дәлелдемелердің және (немесе) зерттеулер (сынақтар) мен өлшемдер нәтижелерінің негізінде қабылданады.

         7.Бірыңғай тізбеге енгізілмеген, сондай-ақ бірыңғай тізбеге енгізілген, бірақ өзіне қатысты мүше мемлекеттердің заңнамасына сәйкес қауіпсіздіктің міндетті талаптары белгіленбеген өнімнің қауіпсіздігін қамтамасыз ету мақсатында дайындаушы (дайындаушы уәкілеттік берген тұлға) мыналарды негізге алуға тиіс:

         1) өнімнің сипаттамаларын (оның құрамын қоса алғанда), орауға қойылатын талаптарды, оны пайдалану (пайдалану, қолдану) жөніндегі нұсқаулықтың (нұсқаулықтың) және қажет болған кезде оны монтаждау, іске қосу, реттеу және жүргізіп тексеру жөніндегі нұсқаулықтың болуын есепке алу қажеттілігі;

         2) осы өнімді басқа өніммен бірге пайдалану мүмкіндігі туралы ақпарат немесе негізделген болжамдар болған кезде осындай өнімнің басқа өнімге әсері туралы мәліметтер;

         3) сатып алушыға (тұтынушыға) өнім және оның таңбалануы туралы ақпаратты ұсыну, сондай-ақ оны пайдалану (пайдалану, қолдану), кәдеге жарату және (немесе) басқа да нұсқаулар (нұсқама), оның ішінде осы өнім туралы өзге де ақпарат (жекелеген жағдайларда оны жарамдылық мерзімі (қызмет мерзімі) ішінде пайдалану жөніндегі ұсынымдарды және (немесе) шектеулерді қоса алғанда), сондай-ақ өнімді монтаждау, баптау, пайдалану (пайдалану, қолдану) және қажет болған кезде оларды жою тәсілдері ұсынылуы мүмкін қауіптер туралы ақпарат;

         4) өнімді мақсатсыз қолдану мүмкіндігі туралы негізделген болжамдар, егер мұндай қолдану қауіп төндіруі мүмкін болса;

         5) тұтынушылардың жекелеген санаттарының, оның ішінде кәмелетке толмағандардың, жүкті әйелдердің, бала емізетін аналардың, мүгедектердің өнімді пайдалануы, қолдануы, пайдалануы туралы ақпарат ұсыну қажеттігі негіздер болып табылады.

  1. Өнімнің мәлімделген талаптарға сәйкес келмеу фактілері анықталған жағдайда тұтынушы азаматтық кодекске және тұтынушылардың құқықтарын қорғау туралы заңнамаға сәйкес өз құқықтарына шағымдануға құқылы.
  2. Дайындаушы (дайындаушы уәкілеттік берген тұлға) осы Қағидалардың 7-тармағында көрсетілген өнімнің қауіпсіздігін, оның таңбалауда мәлімделген қасиеттерге және дайындаушы сатып алушыға (тұтынушыға) ұсынған өнімнің негізгі тұтынушылық қасиеттері мен қауіпсіздігі туралы мәліметтерге сәйкестігін (дайындаушы белгілеген өнімнің жарамдылық мерзімі (қызмет ету мерзімі) ішінде дайындаушы белгілеген ұсынымдарды (нұсқауларды) және (немесе) пайдалану (пайдалану, қолдану) жөніндегі шектеулерді сақтаған жағдайда) қамтамасыз етеді.
  3. Осы Қағидалардың 7-тармағында көрсетілген өнімді пайдалану (қолдану), оны сақтау, тасымалдау және кәдеге жарату қауіпсіздігін қамтамасыз ету мақсатында сатушы (импорттаушы) дайындаушы белгілеген шарттарды сақтауға және оларды сатып алушының (тұтынушының) назарына жеткізуге, оның ішінде оларды өнімге арналған ілеспе құжаттамаға енгізу, оны таңбалау арқылы немесе өзге де тәсілмен жеткізуге міндетті.

 

 

 

 

 

 

 

 

 

 

 

 

 

Қазақстан Республикасы

Сауда және интеграция министрінің

2021жылғы «__» _____ №____бұйрығына

2– қосымша

 

Өзіне қатысты жалпы қауіпсіздік туралы декларация қабылданатын өнім тізбесі

 

  1. Механикалық, электронды-механикалық кварцты қол және қалта сағаттары;
  2. Бижутерия;
  3. Атмосфералық жауын-шашыннан және күн сәулесінен қорғауға арналған қолшатырлар;
  4. Гигиеналық өнім, (мақта таяқшалары, мақта дискілері, дәретхана қағазы) («Балалар мен жасөспірімдерге арналған өнімнің қауіпсіздігі туралы» КО ТР объектісі болып табылатын балаларға арналған гигиеналық өнімді қоспағанда);
  5. Күннен қорғайтын көзілдіріктер, түзететін көзілдіріктердің жиектемелері (көзілдірік линзалары медициналық құрал болып табылады);
  6. Спорттық жабдықтар мен инвентарь, оның ішінде велосипедтер, шаңғылар, конькилер (айнымалы ток желісіне қосылатын спорттық жабдықтарын қоспағанда–«Төмен вольтты жабдықтардың қауіпсіздігі туралы» және «Техникалық құралдардың электрмагниттік үйлесімділігі» КО ТР объектісі);
  7. Тұрмыстық сыпырғыштар, щеткалар;
  8. Тарақтар, шаш тарақтары;
  9. Кеңсе тауарлары, оның ішінде қаламдар, маркерлер, қарындаштар және т.б. (балаларға арналған кеңсе тауарларын қоспағанда – «Балалар мен жасөспірімдерге арналған өнімнің қауіпсіздігі туралы» КО ТР объектісі);
  10. Баспа кітап және журнал өнімі, оның ішінде қағаз, картон (балаларға арналған осындай тауарларын қоспағанда – «Балалар мен жасөспірімдерге арналған өнімнің қауіпсіздігі туралы» КО ТР объектісі);
  11. Сейфтер мен құндылықтарды сақтайтын қоймалар;
  12. Музыкалық аспаптар;
  13. Постижерлік өнім (париктер, жалған мұрт, сақалдар және т.б.) («Жеңіл өнеркәсіп өнімдерінің қауіпсіздігі туралы» ТР реттеуінен алу);
  14. Жасанды гүлдер;
  15. Кино- және фотопленка;
  16. Шырша әшекейлері, жасанды шыршалар («Ойыншықтардың қауіпсіздігі туралы» КО ТР-дан алу);
  17. Ұшу және ғарыш аппараттары.

Қазақстан Республикасы

Сауда және интеграция министрінің

2021жылғы «__» _____ №____бұйрығына

3– қосымша

 

 

Жалпы қауіпсіздік туралы декларацияның нысаны

 

1.       Өндіруші туралы мәліметтер

1.                Дайындаушының (дайындаушы уәкілеттік берген тұлғаның) атауы

 

2.                Бірінші басшының Т.А.Ә.

 

3.                Заңды мекен-жайы

 

4.                БСН

 

5.                әділет органдарында мемлекеттік тіркеу/қайта тіркеу туралы куәліктің №

 

6.                Web-сайт, электрондық мекен-жайы

 

7.                Байланыс деректері

 

2.       Өнім туралы мәліметтер

8.                СЭҚ ТН бойынша өнім коды (4 белгі деңгейінде)

 

9.                Өнімнің атауы

 

10.           Өнімнің қысқаша сипаттамасы

 

11.           Өнім жүргізілген стандарттау жөніндегі нормативтік құжаттың шартты белгісі (бар болса)

 

12.           Өнім шығарудың басталу күні

 

13.           Дайындаушының (дайындаушы уәкілеттік берген тұлғаның) қолы

 

 

 

Аббревиатуралардың толық жазылуы:

БСН-бизнес-сәйкестендіру нөмірі;

СЭҚ ТН - сыртқы экономикалық қызметтiң тауарлар номенклатурасы.

Бұйрық
Дата публикации
28 января 2021