Талдамалық анықтама 2026 жылғы 2 тоқсан

Қазақстан Республикасы Цифрлық даму, инновациялар және аэроғарыш өнеркәсібі министрі м.а.-ның 2020 жылғы 31 қаңтардағы № 39/НҚ бұйрығымен бекітілген Мемлекеттік көрсетілетін қызметтер тізіліміне сәйкес Министрлікке 11 мемлекеттік қызмет бекітілген, оның ішінде 9 мемлекеттік қызмет «Е-лицензиялау» мемлекеттік деректер қоры» ақпараттық жүйесі арқылы электрондық форматта, 1 ЖАО, 1 ОМО көрсетіледі.

Анықтама үшін: мемлекеттік көрсетілетін қызметтердің тізбесі

  1. Типті бекіту туралы сертификат беру;
  2. Өлшем құралдарын метрологиялық аттестаттау туралы сертификат беру;
  3. Сәйкестікті растау жөніндегі сарапшы-аудиторды аттестаттау;
  4. Қазақстан Республикасының Мемлекеттік Туын және Қазақстан Республикасының Мемлекеттік Елтаңбасын дайындау жөніндегі қызметті жүзеге асыруға лицензия беру;
  5. Тәуелсіз Мемлекеттер Достастығы елдерінде әзірленген және аттестатталған өлшемдерді орындау әдістемесін Қазақстан Республикасының Мемлекеттік өлшем жүйесінің тізіліміне тіркеу;
  6. Шетелдік өндірістегі стандартты үлгіні қолдануға рұқсат беру;
  7. Мемлекеттік стандартты үлгіні бекіту;
  8. Тауарлардың жекелеген түрлерінің импортына және (немесе) экспортына лицензия беру;
  9. Қазақстан Республикасының аумағында тауарлардың жекелеген түрлерін экспорттауға және (немесе) импорттауға рұқсат беру;
  10. Сауда саласындағы тауарлардың мақсатты арналуын растау;
  11. Стационарлық емес сауда объектілерін орналастыру орындарын және (немесе) маршруттарын айқындау.

2026 жылғы ІІ тоқсанда көрсетілген мемлекеттік қызметтердің жалпы саны – 1398. Есепті кезеңде мемлекеттік қызметтерді көрсету мерзімдерінің бұзылуына жол берілген жоқ.

2026 жылғы 1 қаңтардан бастап «Тауардың шығарылған елін, Еуразиялық экономикалық одақ тауарының немесе шетелдік тауар мәртебесін айқындау жөніндегі сарапшы-аудиторды аттестаттау» мемлекеттік қызметі Қазақстан Республикасы Өнеркәсіп және құрылыс министрлігінің құзыретіне берілді.

Осыған байланысты Қазақстан Республикасы Сауда және интеграция министрінің 2021 жылғы 1 шілдедегі № 440-НҚ «Тауардың шығарылған елін, Еуразиялық экономикалық одақ тауарының немесе шетелдік тауар мәртебесін айқындау жөніндегі сарапшы-аудиторларға қойылатын рұқсат беру талаптарын, оларға сәйкестікті растайтын құжаттардың тізбесін, сондай-ақ тауардың шығарылған елін, Еуразиялық экономикалық одақ тауарының немесе шетелдік тауар мәртебесін айқындау жөніндегі сарапшы-аудиторларды аттестаттау, олардың аттестаттарының қолданылу мерзімін ұзарту қағидаларын және «Тауардың шығарылған елін, Еуразиялық экономикалық одақ тауарының немесе шетелдік тауар мәртебесін айқындау жөніндегі сарапшы-аудиторды аттестаттау» мемлекеттік қызметін көрсету қағидаларын бекіту туралы» бұйрығы Қазақстан Республикасы Сауда және интеграция министрінің 2025 жылғы 15 шілдедегі № 210-НҚ бұйрығымен күші жойылды.

Дата публикации
17 июля 2026