«Аграрлық несие корпорациясы» акционерлік қоғамына бюджеттік кредит берудің негізгі талаптарын айқындау туралы» ҚР Үкіметі қаулысының жобасы (бұдан әрі – Жоба) 2022 жылы көктемгі егіс және жинау жұмыстарын өткізуге кредит беру жолымен агроөнеркәсіптік кешен субъектілерін қолдау мақсатында әзірленді.
Жобаны іске асыру 262 «Агроөнеркәсіптік кешен субъектілерін қолдау жөніндегі іс-шараларды жүргізу үшін «Аграрлық несие корпорациясы» АҚ-ға кредит беру» бюджеттік бағдарламасы шеңберінде 2022-2024 жылдарға арналған республикалық бюджетте көзделген 70 000 000 000 (жетпіс миллиард) теңге көлеміндегі қосымша қаражат шегінде қаржы шығындарын талап етеді.
Бюджеттік кредит қаражатының негізгі тұтынушысы – агроөнеркәсіптік кешен субъектілері болып табылады, қаражат «Аграрлық несие корпорациясы» АҚ-ға «Кең дала» бағдарламасы бойынша кредит түрінде ұсынылатын болады.
Қаулы жобасын қабылдаудың теріс әлеуметтік-экономикалық және құқықтық салдары жоқ.