1

НҚА жобасының атауы (НҚА түрін көрсете отырып)

«Қазақстан Республикасы Қаржы министрінің кейбір бұйрықтарына өзгерістер енгізу туралы» Қазақстан Республикасы Қаржы министрінің бұйрығының жобасы.

2

Әзірлеуші мемлекеттік орган

Қазақстан Республикасының Қаржы министрлігі.

3

НҚА жобасын әзірлеу үшін негіздер (тиісті НҚА немесе тапсырмаға сілтеме жасай отырып (бар болса))

Жоба «Қазақстан Республикасының кейбір заңнамалық актілеріне цифрландыру, көлік және кәсіпкерлік мәселелері бойынша өзгерістер мен толықтырулар енгізу туралы» Заңының 1-бабының 88-тармағына сәйкес әзірленді.

4

НҚА жобасының қысқаша мазмұны, негізгі ережелердің сипаттамасы

Редакциялық түзетулер, нормативтік құқықтық актілерді сәйкестендіру.

5

Күтілетін нәтижелердің нақты мақсаттары мен мерзімдері

Жобаның мақсаты:

«Қазақстан Республикасының кейбір заңнамалық актілеріне цифрландыру, көлік және кәсіпкерлік мәселелері бойынша өзгерістер мен толықтырулар енгізу туралы» Заңына сәйкес келтіру мақсатында «ақпараттық жүйесі» сөзін «цифрлық жүйесі» сөзіне, «ақпараттық жүйелер» сөзін «цифрлық жүйелер» сөзіне, «ақпараттық жүйе» сөзін «цифрлық жүйе» сөзіне, «Электрондық үкіметтің» сөзін «Цифрлық үкіметтің» сөзіне, «ақпараттық жүйеде» сөзін «цифрлық жүйеде» сөзіне, «ақпараттық жүйелер» сөзін «цифрлық жүйелер» сөзіне, «ақпараттық технологияларды» сөзін «цифрлық технологияларды» сөзіне ауыстыру.

6

НҚА жобасы қабылданған жағдайда болжамды әлеуметтік-экономикалық, құқықтық және (немесе) өзге де салдар

Жобаны қабылдау теріс әлеуметтік-экономикалық немесе құқықтық салдарларға әкеп соқтырмайды.